Gourt Home::Gourt :: Lí Hián-liông
Lí Hián-liông (李显龙/李顯龍, Hoâ-gí phèng-im: Lee Hsien Loong), kong-gôan 1952 nî chhut-si. Hiān-jīm Sin-ka-pho chèng-hú chóng-lí kiam châi-chèng pō·-tiúⁿ. I mā-sī Sin-ka-pho Jîn-bîn Hêng-tōng-tóng tē-it chō·-lí pì-su-tiúⁿ.
Kun-kù Sin-ka-pho chip-chèng ê Jîn-bîn Hêng-tōng-tóng tiong-iong chi̍p-hêng úi-ôan-hōe tī 2004 nî 5 ge̍h 29 hō khui-hōe thong-kòe ê 1-hāng koat-gī, Lí Hián-liông hông thui-sóan chòe Gô· Chok-tòng ê chiap-pan-lâng, chhut-jīm ē-kài ê chóng-lí. Kong-gôan 2004 nî 8 ge̍h 12 hō, Gô· Chok-tòng jīm-moá lo̍h-tâi, Lí Hián-liông chèng-sek chhiūⁿ-jīm, chiâⁿ-chòe Sin-ka-pho tē-3-jīm chóng-lí.
Lí Hián-liông sī Sin-ka-pho " kok-hū " Lí Kong-iāu ê tōa-hàn hāu-siⁿ. Lí Kong-iāu sī Sin-ka-pho tē-1-jīm chóng-lí, hiān-chú-sî ê chit-bū sī lōe-koh chu-chèng.
Lí Hián-liông ê koè-khì
Lí Hián-liông tī tng-tē Hôa-bûn sió-ha̍k kah kong-kàu tiong-ha̍k pit-gia̍p liáu-āu, chìn-ji̍p kok-ka chho·-kip ha̍k-īⁿ. Āu--lâi, i kong-êng tit-tio̍h chóng-thóng chióng-ha̍k-kim kah Sin-ka-pho bú-chong pō·-tūi chióng-ha̍k-kim, khì-kàu Eng-kok Kiàm-kiâu Tāi-ha̍k liû-ha̍k chhim-chō, 1974 nî tī chia pit-gia̍p pēng-chhiáⁿ tit-tio̍h Sò·-ha̍k it-téng êng-ū ha̍k-ūi kah tiān-náu kho-ha̍k bûn-phêng ( iu-téng ). 1971 nî, ka-jip Sin-ka-pho bú-chong pō·-tūi. 1978 nî tī Bí-kok Kansas-chiu chìn-siu lio̍k-kun chí-hui kah chham-bô· ê khò-thêng. 1979 nî tit-tioh Harvard(哈佛) Tāi-ha̍k Kennedy hêng-chèng kóan-lí ha̍k-īⁿ kong-kiōng hêng-chèng-ha̍k ê sek-sū ha̍k-ūi. Hôe kok āu tam-jīm Sin-ka-pho bú-chong pō·-tūi chham-bô·-tiúⁿ kiam liân-ha̍p hêng-tōng kah chhek-ōe su-tiúⁿ]]. 1984 nî 6 go̍eh thê-seng ûi chún-chiòng (准将), kāng nî 9 goeh, sî-khì kun-chit, tam-jīm kok-hông pō·-tiúⁿ chèng-tī pì-su. 1984 nî 12 go̍eh tòng-sóan kok-hōe gī-ôan, pēng-chhiáⁿ koh tī-leh 1988 nî, 1991 nî, 1997 nî kah 2001 nî 4-kài ê tāi-sóan tang-tiong tòng-sóan.
1984 nî 12 go̍eh ~ 1986 nî 2 go̍eh, Lí Hiàn-liông chhut-jīm kok-hông-pō· chèng-bū pō·-tiúⁿ kiam bō·-e̍k kang-gia̍p-pō· chèng-bū pō·-tiúⁿ. 1986 nî 2 go̍eh ~ 12 go̍eh, chhut-jīm bō·-e̍k kang-gia̍p-pō· tāi-lí pō·-tiúⁿ, liáu-āu chèng-sek chóan-chò chiàⁿ-pō·-tiúⁿ. 1988 nî 9 go̍eh, koh 1-pái chhut-jīm tē-jī kok-hong pō·-tiúⁿ. 1990 nî 11 goeh 27 hō khai-sí chhut-jīm hù-chóng-lí kiam bō·-e̍k kang-gia̍p pō·-tiúⁿ. àn 1994 ni 7 go̍eh ~ 1995 nî 7 go̍eh, koh hū-chek kàm-tok kok-hông-pō·. 1997 nî 1 go̍eh 25 hō iū-koh liân-jīm hù-chóng-lí, keh-nî 1 go̍eh kiam chò kim-iông kóan-lí-kio̍k chú-se̍k. 2001 nî 11 go̍eh 23 hō khai-sí, kiam-jīm châi-chèng pō·-tiúⁿ.
Lí Hián-liông bat kiat-hun kòe 2-pái, ū 1-ê cha-bó·-kiáⁿ kah 3-ê hāu-siⁿ. Thâu-1-pái kiat-hun tī 1978 nî, thài-thài miâ hō-chòe N̂g Bêng-iông (黄名扬), sī 1-ê sian-siⁿ-lâng, tī pēⁿ-īⁿ chia̍h-thâu-lō·. N̂g Bêng-iông tī 1982 nî kòe-sin, hit-sî kan-na 31 hōe--niâ. 1985 nî Lí Hián-liông kah hiān-chāi ê hu-jîn Hô Cheng（何晶/Ho Ching) kiat-chiâⁿ liân-lí.
Hô Cheng bo̍k-chiân sī Sin-ka-pho châi-chèng-pō· choan-kôan khòng-kó· ê chèng-hú tâu-chu kong-si tám-má-sek (淡马锡) khòng-kó· tàng-sū. Lí Hián-liông ê sió-tī Lí Hián-iông sī Sin-ka-pho siāng-tōa ê kok-iú khì-gia̍p Sin-ka-pho tiān-sìn ê chóng-chhâi.
In-ūi Lí--sì ka-cho̍k chiáng-ak tio̍h Sin-ka-pho ko-chân ê chin-chōe tiōng-iàu chit-ūi, só·-í chit-chióng "1-ke-kháu-á ê seng-lí" mā tiāⁿ-tiāⁿ siū-tio̍h lâng ê phoe-phêng, put-lī-kò 1-kóa-á kong-khai gī-lūn ê lâng, lō·-bóe óng-óng cho-siū khòng-kò.
Chham-khó
Lee Hsien Loong | Lee Hsien Loong | Lee Hsien Loong | Lee Hsien Loong | Lee Hsien Loong | Lee Hsien Loong | Lee Hsien Loong | リー・シェンロン | Lee Hsien Loong | Lee Hsien Loong | Lee Hsien Loong | Lee Hsien Loong | Ли Ксиен Лунг | Lý Hiển Long | 李显龙
"Lí Hián-liông"