大嶼山

大嶼山係喺香港嘅西南面，係香港境內最大嘅島，面積有144平方公里，大過香港島84%左右。大嶼山大部分地方都係屬於離島區，但係大嶼山東北面，包括陰澳、竹篙灣同埋汲水門等，喺地區行政上面係屬於荃灣區。

大嶼山以前因為交通唔方便、遠離市區，所以唔少地方都未開發；但因為咁嘅關係令大嶼山成為咗香港市民度假嘅好地方。隨住赤鱲角新機場同有關連嘅機場核心計劃落成之後，青馬大橋同汲水門大橋將大嶼山同市區連接埋一齊，仲有東涌新市鎮嘅發展，都令到市民或者遊客可以更容易去大嶼山。

歷史上又叫大奚山。