九廣馬鐵

九廣馬鐵（落成之前叫馬鞍山鐵路，香港人多數都咁叫）係香港九廣鐵路公司營運嘅東鐵鐵路支線之一。從沙田區嘅大圍開始，途經位於城門河以東嘅乙明邨同博康邨等等嘅公共屋邨、威爾斯親王醫院、沙田第一城、石門工業區，最後進入馬鞍山新市鎮，以烏溪沙為終點站。哩條線全長11.4公里，全程行車時間16分鐘。沿線共有9個車站，當中大圍站同東鐵匯合，係馬鐵唯一嘅轉車站。馬鐵大部分路段以高架橋嘅方式興建，只有中間一小部分起建喺大老山公路中央分隔帶嘅地面。馬鐵喺九鐵路線圖中以啡色代表。