Hoat-kok

Hoat-kok (Hoat-gú: République française; iā-sī kiò-chò Pu̍t-lân-se (仏蘭西), Se-á-kok, Hoat-lân-se (法蘭西)) sī Europa sai-pêng ê kiōng-hô-kok. I ê chhù-piⁿ ū België, Luxembourg, Tek-kok, Sūi-se, Italia, Monaco, Andorra, kap Se-pan-gâ. Hoat-kok sī Europa Liân-bêng ê hoat-khí hōe-oân ê 1 ê; ū iōng euro. I mā sī NATO, Liân-ha̍p-kok An-chôan Lí-sū-hōe ê hōe-oân. Hoat-kok ū he̍k-chú bú-khì.

Ki-pún chu-liāu

Koaⁿ-hong gí-giân: Hoat-gí
Siú-to·: Paris
Siāng-tōa ê siâⁿ-chhī: Paris
Chóng-thóng: Jacques Chirac
Chhoā-thâu ê pō·-tiúⁿ: Dominique de Villepin

Pau-khoah i-lāi-tē kap hái-gōa niá-thó·

Bīn-chek: 647,843 km² (pâi tē-47-ūi)
Jîn-kháu:
- 63,044,000 (2005)
- Bi̍t-tō·: 97/km²
I-lāi-tē kap hái-gōa niá-thó· bô sǹg-châi-lāi
- Bīn-chek: 551,695 km²
- Jîn-kháu:
  - 60,560,000 (2005)
  - Bi̍t-tō·: 111/km²

Tē-lí

Hoat-kok bīn-chek 550,000 km², sī se Europa siōng toā ê kok-ka. I piⁿ--á ū Pak-hái, Eng-kok hái-kiap (Hoat-gí: La Manche, chhiú-ńg), Tāi-se-iûⁿ, kap Tē-tiong-hái; hái-hoāⁿ lóng-chóng sī 3,427 kong-lí tn̂g.

Tî-liáu tang-pak-pêng ê pō·-hūn, Hoat-kok ê piⁿ-kài chú-iàu sī thian-jiân ê kài-soàⁿ. Lâm-pêng ê Pyrénées soaⁿ-me̍h kā Hoat-kok kap Se-pan-gâ hun-khui. Tang-pêng ê Alpes kap Jura soaⁿ-me̍h sī i kap Italia í-ki̍p Sūi-se ê chū-jiân piⁿ-kài.

Hoat-kok siōng tn̂g ê hô sī Loire-hô, tùi tang-lâm-pō· ê Ardèche-khu lâu khì sai-pêng ê Tāi-se-iûⁿ. Loire-hô ū 1,020 kong-lí tn̂g; i 117,000 km² ê liû-he̍k chhiau-kòe Hoat-kok bīn-chek ê gō·-hun-chi-it.

Gōa-pō· liân-kiat

Hoat-kok Chóng-lí - Chèng-hú bāng-chām ji̍p-kháu

Hoat-kok | Kok-ka

Gourt Home::Gourt :: Hoat-kok

Ki-pún chu-liāu

Tē-lí

Gōa-pō· liân-kiat