årtisyince L' årtisyince (on dit eto: medcene veterinaire), c' est ene syince ki studeye les maladeyes des biesses. Les cis kel parpinsèt, eyet l' pratiker, c' est, aprume, les årtisses.

Istwere del medcene veterinaire

---

Li prumire sicole po-z aprinde les årtisses a stî askepieye a Lyon, el France, et strimêye li 10 di djanvî 1762. C' esteut Claude Bourgelat ki l' aveut metou so pås so fotches.

Li prumire sicole veterinaire bedje a stî drovowe diviè 1875 a Cureguem, so Anderlek, dilé Brussele. Tos les Bedjes, Walons et Flaminds, k' estént po divni årtisses, î alént fé leus scoles. Li scolaedje si fjheut e francès. Li tchanson des studiants rimimbere ci tins la :

Quelle que soit la vie

Flandre ou Wallonie,

Dans un régiment ou au milieu des paysans,

On fera la noce,

On roulera sa bosse

Mais qu'on foute le camp de cet ignoble de cet ignoble,

Mais qu'on foute le camp de cet ignoble établissement.

(Kel vicåreye fouxhe çou k' ele vout, / El Flande u el Walonreye, / Dins on redjimint d' sôdårds u å mitan des payizans / Nos frans l' fiesse / Todi so tchamps so voyes / Mins k' on vude å pus abeye di cisse måsseye, di cisse måsseye / Mins k' on vude å pus abeye di cisse måsseye sicole).

Diviè 1935, les Flaminds seront scolés e neyerlandès, et-z ebaguer a Gand.

Diviè 1965, li scole veterinaire va divni ene faculté. Come c' est ene sicole di l' Estat, ele si doet raloyî a ene univiersité d' estat, et gn a kel cene di Lidje. Ci serè don tot on tins li "Fak veterinaire di l' Univ di Lidje metowe a Cureguem dilé Brussele".

Diviè 1980, li fak va ebaguer podbon å Sårt-Tilman, po-z aler rdjonde les ôtès faks di l' univ di Lidje.

Li scolaedje des årtisses el Walonreye

---

Asteure, po fé veterinaire, i fåt reyussi on concour d' intrêye (dispu diviè 2000). Les scoles durèt shijh ans.

Les troes prumirès anêyes, k' on lome les candidateures sont shuvowes dins les faks normåles a l' univ di Lidje, do Noû-Lovén, di l' ULB a Brussele, u ås Faks di Nameur. On-z î aprind les syinces djeneråles (1ire anêye), pus les syinces veterinaires (2inme et 3inme anêye).

Les troes dierinnès anêyes, k' on lome les doctorats, ni si fjhèt k' a Lidje, a l' ULg. On-z î aprind les maladeyes des biesses. Tos les djoûs å matén, les studiants vont ås clinikes. I s' ratroplèt pa ekipe, onk di dierin dok (6inme anêye) k' on lome li praticyin, onk di 2inme dok (5inme anêye) k' on lome ploumasse et onk di prumî dok (4inme anêye) k' on lome ploumion.

Avou les novelès lwès d' ecwivalince uropeyinnes, dispu les anêyes 1990, gn a todi dpus di scolîs ki vnèt di des ôtes payis d' Urope, aprume del France. End a-st avou disk' al mitan d' ene fornêye di studiants.

Sacwantès pådjes e walon a vey avou l' årtisyince

---

Syinces soûmintreces

• Li minêyolodjince.
• li tnaedje astok des biesses.
• Antomeye des biesses.
  • Poyes
    • djezî
    • djave
  • Roemiants.
    • pansreye
    • cint-fouyas
• bacterolodjeye
  • micoplasse
  • pitizeye
  • pwel di bactireye

Cérudjeye.

• amedaedje.
• botniraedje.

Mås des vatches

pa des cåzes fizikes.

• Li fotosinsiûlijhaedje.
• Li paralizeye å nier do keute

cåzés pa des virûsses.

• Li må d' araedje.
• Li catåre malén.

cåzés pa des bactereyes.

• Li mamite al grangrinne.

di cåze di des formagnants.

• Les clås d' esté.
• Les diele ås veas

maladeyes di må-tournaedje do coir.

• Li touma del velêye (five di laecea)
• Li sindrome del vatche djus

mankes dins l' amagnî.

Li pômagne al vatche plinne

Mås des bedots

• roedeur des agneas
• protostrongue
• mamite al grangrinne

Mås des poyes.

• pitizeye des poyes

Hårdêye difoûtrinne

---

• Fak d' årtisyince di l' univ di Lidje

طب بيطري | Ветеринарна медицина | Veterinària | Veterinärmedizin | Veterinary medicine | Veterinaria | Albaitaritza | רפואה וטרינרית | Medicina veterinari | Veterinaria | 獣医学 | Diergeneeskunde | Medycyna weterynaryjna | Medicina veterinária | Ветеринария | Veterinárna medicína | Veterinärmedicin