Kelt tärese ul Xristian xaçınıñ ber töre, bu täre kiseşüendä alqa urnaşılğan. Kelt tärese Kelt Xristianlığına xas tamğa bula, läkin ul Xristianlıqtan elek bulğan çığanaqlardan kilä, ixtimal.

Çığanaqlar

---

İrlandiä häm Britaniäneñ Kelt töbäklärendä ayırım basıp tora torğan vertikal tärelär – yä biek tärelär – iñ kiemendä 7. yözdä torğızılalar. Qayber tärelärdä runalar yazılğan. Saqlanıp qalğan biek tärelär Cornwall häm Wales'tä, Iona häm Hebrid utırawlarında, häm İrlandiäneñ küp urınnarında oçrílar. Başqa tärelärne Cumbria häm Şotlandiä Çiklärendä oçratıp bula, läkin alardan qayber Anglo-Sakson tärese tradisiälärendä yasalğan. İñ tanılğan Kelt täreläre Meath Öyäzendäge Kells'tä häm Louth Öyäzendäge Monasterboice'ta.

Täre belän alqanı totaştıruçı täre surätläre yış oçrílar, Xristianlıqqa qädärge çorlarda da. Qoyaş tärese atalğan tärelär mäcüsi Tönyaq-Könçığış Awrupada (Borınğı Norvegiäle Odin täñreseneñ tamğası bularaq) häm Pireney Yarımutırawında tabıp bula. Şundí häykällärneñ Xristian xaçları belän bäyläneşe kürenmi. Şunısı da qızıq: täre İske İnglizçä rood bula. Zamança İnglizçädäge cross İske Norvegiälelärçä kross aşa Latínçanıñ crux, crucis süzennän kilä. Şulay itep, mäcüsi basqınnar Vikinglärneñ süze Xristian Anglo-Saksonnarnıñ töp tamğasına küçkän.

Säyäsi tamğa

---

Kelt häm Qoyaş täreläreneñ mädäni assosiasiäläre - Xristianlıq, Könbatışlıq häm borınğı Aryannar yolaları arqasında şundí tärelär, stilläşkän bulıp, 1960. yıllardan ultrauñnarnıñ tamğaları bulıp qalalar. Şundí, nigezdä Fransiädäge, törkemnär şaqtí tanılğan Occident häm GUD eçenä alalar. Soñğı yıllarda Kelt tärese Aq tänle Millätçelek xäräkäte tarafınnan Aq tänle Awrupalılarınıñ tamğası bulıp qabul itelde. Şulay uq ul Öçençe Pozisiä yä Katolik Millätçelege tarafdarı, radikal millätçeläre belän oxşatıla. Fransiä, İtaliä häm başqa Awrupa illärendä bu yaña símbolizm tärelärneñ borınğı mäğnäsen qapladı. Kelt täreläre Awrupanıñ keçe Kelt xalıqlarınıñ azatlıq köräşe oyışmaları da belän bäyläp bula, mäs'älän, Breton millätçelege.

Awrupa mädäniäte | Xristianlıq

Creu celta | Keltenkreuz | Celtic cross | Croix celtique | Keltisch Kruis | Keltisk kors | Krzyż celtycki | Кельтский крест | Kelt haçı