Ang Marinduque ay isang pulong lalawigan ng Pilipinas na matatagpuan sa rehiyong MIMAROPA sa Luzon. Boac ang kapital nito. Nasa pagitan Look ng Tayabas sa hilaga at Dagat Sibuyan sa timog ang Marinduque. Matatagpuan ito sa timog at kanluran ng Quezon, silangan ng Mindoro, at hilaga ng Romblon.

Halos bilog na pulo ang Marinduque na may mga labing-isang milya ang layo mula sa Luzon. May 370 milya kuadrado ito na ginagawang ika-13 pinakamalaking pulo sa kapuluan ng Pilipinas.

Bantog ang Marinduque para sa Pistahang Moryon na ipinagdiriwang taung-taon.

Heograpiya

---

Politikal

Binubuo ang Marinduque ng anim na bayan:

• Boac
• Buenavista
• Gasan
• Mogpog
• Santa Cruz
• Torrijos

Pisikal

Ang Marinduque ay isang hugis-puso na pulo na nasa gitna ng Kipot ng Tayabas sa hilaga at and Dagat ng Sibuyan sa timog. Hiwalay ito sa Tangway ng Bondoc sa Quezon sa pamamagitan ng Landas ng Mompog. Ang mga ilan sa mga maliliit na pulo ay ang Pulo ng Maniuayan, ang Pulo ng Santa Cruz, at ang Pulo ng Mompog. Ang pinakataas na taluktok sa Marinduque ay ang Bundok Malindig (noon, Bundok Marlanga), isang potensyal na aktibong bulkan na may kataasan ng 1,157 na metro.

Mayrong dalawang mayor na panahon ang pulo — ang panahong tuyo (Nobyembre hanggang Pebrero) at ang panahong maulan (Hunyo hanggang Oktubre), na may isang panahon ng pagpapalit sa pagitan ng dalawang panahon.

Marinduque | Marinduque | Marinduque | マリンドゥク州 | Marinduque | Marinduque | Marinduque