Tennisball.jpg டென்னிஸ் என்பது, எதிரெதிராக இருவர், அல்லது இருவர் கொண்ட இரு அணிகள் ராக்கெட் மட்டையால் ஒரு பந்தை அடித்து ஆடும் விளையாட்டு. உள்ளரங்கிலும், வெளியிலும் ஆடலாம். டென்னிஸ், உலகில் மிக அதிக ரசிகர்களையும் வீரர்களையும் உடைய விளையாட்டுகளில் ஒன்றாகும்.

ஆடு தளம்

---

ஆடும் தளம் 23.8 மீ (78 அடி) நீளமுடையது. அகலம் ஒருவர் ஆட்டத்திற்கு 8.2 மீ (27 அடி), இருவர் ஆட்டத்திற்கு 11 மீ (36 அடி). ஒருவர் ஆட்டத்திற்கு போடப்பட்ட கோட்டின் இரு புறமும் 1.4 மீ (4.5 அடி) சேர்த்து இருவர் ஆட்டத்திற்கு கோடு போடப்படும். ஆடு தளம் புல், களிமண், செம்மண், கான்கிரீட், மரம், செயற்கைப் புல்லால் ஆனதாக இருக்கலாம். வலை, ஆடு தளத்தின் நடுவில் தரையிலிருந்து 0.9 மீ (3 அடி) உயரத்திலிருக்கும். வலை தரையைத் தொட்டுக் கொண்டு இருக்கும்.

பந்து

---

டென்னிஸ் பந்து உள்புறம் காலியாக உள்ள ரப்பர் பந்து. இதன் மேல் கம்பளி மற்றும் செயற்கை இழைத் துணியால் மூடப்பட்டிருக்கும். அளவு 6.35 செ.மீ முதல் 6.67 செ.மீ வரை இருக்கும். எடை 57.7 கிராம் முதல் 58.5 கிராம் வரை இருக்கலாம். மஞ்சள் நிறத்தில் வெள்ளை வளை கோடு போட்ட பந்துகள் பொதுவாக பயன்படுத்தப் படும்.

மட்டை

---

ராக்கெட்டுகளுக்கு தீர்மான வரையறை இல்லை. அதன் மட்டைப் பகுதியின் அளவைப் பொருத்து ஸ்டாண்டர்ட் (Standard), மிட்சைஸ் (Mid size) , ஓவர்சைஸ் (Over size), சூப்பர் ஓவர்சைஸ் (Super over size) என்று வழங்கப்படும்.

போட்டிகளில் பயன்படுத்தும் ராக்கெட் 81.3 செ.மீ (32 இன்ச்) நீளத்திற்கும், 31.8 செ.மீ. (12.5 இன்ச்) அகலத்திற்கும் மிகாமல் இருக்க வேண்டும். மட்டையின் தலைப்பகுதி (வலை பின்னல் பகுதி) 39.4 செ.மீ (15.5 இன்ச்) நீளத்திற்கும், 29.2 செ.மீ (11.5 இன்ச்) அகலத்திற்கும் மேற்படாமல் இருக்க வேண்டும். எடைக்கு வரையறை இல்லை.

ஆட்டம்

---

விளையாட்டுக்கள்

كرة المضرب | Тенис | টেনিস | Tenis | Tennis | Tenis | Tennis | Tennis | Αντισφαίριση | Tennis | Teniso | Tenis | Tennis | Tenis | تنیس | Tennis | Tennis | Tennis | Leadóg | טניס | Tenis | Tenis | Teniso | Tennis | テニス | ಟೆನ್ನಿಸ್ | 테니스 | Tennis | Тенис | Tenis | Tennis | Tennis | Tenis | Ténis | Теннис | Tenis | Tennis | Tenis | Tenis | Tenisi | Тенис | Tennis | Tenis | چويلا توپ | Теніс | 網球