Dar es Salaam

Dar es Salaam ni jiji kubwa kuliko yote nchini Tanzania. Ni pia jina la Mkoa wa Dar es Salaam. Hali halisi ni pia mji mkuu wa Tanzania hata kama Dodoma imetangazwa kuwa mji mkuu tangu mwaka 1973. Lakini ofisi za rais na wizara nyingi bado zinafanya kazi Dar es Salaam ambayo hali halisi ni makao makuu ya serikali.

Jiji hili zamani liliitwa Mzizima. Sultani Seyyid Majid wa Zanzibar ndiye aliyelipa jiji hili jina linalotoka kwenye Kiarabu (دار السلام Dār as-Salām)lenye kumaanisha "Nyumba ya Amani." Maelezo yanayopatikana mara nyingi kuwa maana ni "Bandari ya Salaam" inachanganya maneno mawili yanayofanana ya "dar" (=nyumba) na "bandar" (=bandari).

Dar es Salaam inakadiriwa kuwa na wakazi wapatao milioni tatu. Ingawa Dodoma inafahamika kama ndio mji mkuu wa Tanzania, Dar es Salaam ndiko ziliko ofisi kuu za viongozi wa serikali, mabalozi, mashirika ya kimataifa, n.k. Bandari ya Dar es Salaam katika bahari ya Hindi, ndio bandari kubwa nchini Tanzania inayojihusisha na usafirishaji na uingizaji wa bidhaa mbalimbali za kilimo, ufugaji, ujenzi, magari, madawa, n.k.

Kiutawala, Dar es Salaam imegawanywa katika wilaya za Temeke, Ilala, na Kinondoni.

Viungo vya nje

en: DAR ES SALAAM CITY PROFILE

Picha za Dar es Salaam

Image:Dar Ikulu-tz.jpg|Ikulu - Nyumba ya Rais huko Dar-Es-Salaam Image:DarEsSalaam-SamoraMachelAvenue.jpg|Samora Machel Avenue with N.I.C. House Image:DarEsSalaam-Skyline.jpg|Feri ya kuvuka Kigamboni, nyumba za jiji zaonekana ng'ambo Image:Dar Askari.jpg|Sanamu ya "Askari" kwa ajili ya maaskari Waafrika walioshiriki vita kuu ya kwanza upande wa Waingereza Image:Dar Po (1).jpg|Uwanja wa Ndege wa kimataifa Image:Dar Jangwani -1.jpg|Timu ya mpira ya Yanga (Young African Sports Club) wanakaribishwa Dar Image:Dar Mnazi-mmoja.jpg|Mnazi Mmoja

Miji ya Tanzania | Tanzania | Miji Mikuu Afrika

Gourt Home::Gourt :: Dar es Salaam

Viungo vya nje

Picha za Dar es Salaam