Lu verbu ausiliari è unu:

Aviri

È chiamatu verbu ausiliari picchì aiuta lu verbu principali:

Haiu manciatu

Ntô Sicilianu, sti sprissioni fatti cu lu passatu pròssimu, nun si usanu o si usanu raramenti, mmeci si usa sempri, nta stu casu, lu passatu rimotu:

Manciai

Li verbi sunnu organizzati a Coniugazzioni, e li coniugazzioni sunnu organizzati a Modi e Tempi. Ntô Sicilianu nun è nicissariu mèttiri lu pronomi pirsunali prima di lu verbu, picchì cu lu significatu di la prupusizzioni si capisci a quali pirsuna si rifirisci e siddu è singulari o plurali.

Modu Indicativu

(di lu Verbu Aviri)

Tempu Prisenti

Singulari		Plurali
iu	Haiu	nui, nuiatri, nuàutri	Avemu
tu	Hai	vui, vuiatri, vuàutri	Aviti
iddu, idda	Havi	iddi	Hannu

Mpirfettu

Singulari		Plurali
iu	Avìa	nui, nuiatri, nuàutri	Avìamu
tu	Avevi	vui, vuiatri, vuàutri	Avìavu
iddu, idda	Avìa	iddi	Avìanu

Passatu Pròssimu

Haiu avutu ecc.

Passatu Rimotu

Singulari		Plurali
iu	Appi	nui, nuiatri, nuàutri	Àppimu
tu	Avisti	vui, vuiatri, vuàutri	Avìstivu
iddu, idda	Appi	iddi	Àppiru

Trapassatu Pròssimu

Avìa avutu ecc.

Modu Congiuntivu

Ntô Sicilianu si usa lu prisenti congiuntivu comu lu prisenti indicativu.

Mpirfettu

iu,tu,iddu	Avìssi
Nui, nuiatri, nuàutri	Avìssimu
Vui, vuiatri, vuàutri	Avìssivu
Iddi	Avìssiru

Passatu Rimotu

Avissi avutu ecc.

Modu Cundizziunali

Lu cundizziunali nun è tantu usatu 'n sicilianu, ô sò postu si usa lu congiuntivu passatu.

Modu Mpirativu

Stu Modu usa sulu a secunna pirsuna singulari e plurali e usa lu prisenti ndicativu:

Hai a manciari. Aviti a partiri.

Lu mpirativu nigativu di la secunna pirsuna singulari ntô sicilianu è furmatu di la nigazzioni dû nfinitu di lu verbu:

Nun aviri prescia

Nfinitu

Aviri

Passatu

Aviri avutu

Participiu

Passatu

Avutu

Gerundiu

Prisenti

Avennu

Passatu

Avennu avutu

Sprissioni Siciliani cu lu verbu aviri

Haiu pitittu,

Hai siti,

Aviti sonnu,

Hannu prescia,

Avemu deci anni l'unu.

Verbi Rigulari Verbi Irrigulari Àutri Formi Spiciali

Grammàtica

Lingua siciliana

Hilfsverb | Auxiliary verb | 助動詞 | Czasownik posiłkowy | Verbo auxiliar | Hjälpverb