L'UNESCO (ntô ngrisi: United Nations Educational, Scientific and Cultural Organization) sta pi Organizzazzioni dî Nazzioni Uniti pi l'Aducazioni, la Scienza e la Curtura fu funnata dî Nazzioni Uniti lu 16 di nuvèmmiru 1946 pi ncuraggiari la cullaburazzioni ntra li Nazzioni ntê àrî di l'Aducazzioni, la Scienza, la Curtura e la Cumunicazzioni.

Cchiù di 180 Nazzioni sunnu membri di l'UNESCO. Lu sô quarteri ginirali s'attrova a Pariggi, n Francia, e òpira prugrammi di scanciu aducativu, scientìficu e curturali di 60 offici riggiunali ntô munnu. Li pruggetti spunsurizzati di l'UNESCO cumprènnunu prugrammi scientìfici nternazziunali; prugrammi di alfabbetizzazzioni, tècnici e di furmazzioni dî nzignanti; pruggetti riggiunali e di stùria curturali; e coopirazzioni nternazziunali pi assicurari lu Patrimoniu Curturali e Naturali dû pianeta e pâ cunsirvazzioni dî Diritti Umani.

L'UNESCO ha statu a voti ô centru di cuntraversî. Duranti li 1970ini e li 1980ini, li nazzioni occidintali, spiciarmenti li Stati Uniti e lu Regnu Unitu, ritinìsseru ca vinissi usatu dî paisi cumunisti e dû Terzu Munnu, comu forum pi attaccari l'Occidenti. Accussì, L'UNESCO criàu un pianu chiamatu "Novu Òrdini Nternazziunali dâ Nfurmazzioni", pi arristari li prisunti minzogni e la disinfurmazzioni ca fu diffusa circa li nazzioni nta via di sviluppu. L'Occidenti lu rifiutàu e li Stati Uniti si ritiràru di l'organizzazzioni comu segno di prutesta ntô 1984 e lu Regnu Unitu ntô 1985. (Lu Regnu Unitu c'arriturnàu ntô 1997 e li USA ntô 2003). L'UNESCO ha statu criticatu di arcuni macari pâ sô burocrazzìa enormi.

Fu rispunsabbili dâ funnazzioni di l'OANA. L'UNESCO dugna macari funni ô Cunsigghiu Nternazziunali dâ Scienza.

Una dî missioni di l'UNESCO è chidda di mantiniri la lista dû Patrimoniu di l'Umanitati. Chiddi sunnu siti mpurtanti assai ô liveddu curturali o naturali, la cui cunsirvazzioni e sicurezza è ritinuta mportanti pâ cumunitati munniali.

L'UNESCO è rapprisintatu dî "Mmasciaturi di l'UNESCO".

Li 20 Stati funnaturi

---

Regnu Unitu Nova Zilanna Arabbia Saudita Africa dû Sud Australia India Mèssicu Francia Ripùbblica Duminicana Turchia Eggittu Norveggia Canada Cina Danimarca Stati Uniti Cecoslovacchia Brasili Lìbbanu Grecia

Dirittura Ginirali di l'UNESCO

---

1. Julian Huxley, Regnu Unitu (1946-1948)
2. Jaime Torres Bodet, Mèssicu (1948-1952)
3. John Wilkinson Taylor, Stati Uniti (1952-1953)
4. Luther Evans, Stati Uniti (1953-1958)
5. Vittorino Veronese, Italia (1958-1961)
6. René Maheu, Francia (1961-1974)
7. Amadou-Mahtar M'Bow, Senegal (1974–1987)
8. Federico Mayor, Spagna (1987-1999)
9. Koïchiro Matsuura, Giappuni (1999-prisidenti attuari)

Vidiri macari

---

• Patrimoniu di l'Umanitati

Culligamenti esterni

---

• Situ officiari di l'UNESCO
• Situ dû Patrimoniu di l'Umanitati

Cultura | Giografìa | Storia | Scienzi

UNESCO | منظمة الأمم المتحدة للتربية والتعليم والثقافة | ЮНЭСКА | ЮНЕСКО | UNESCO | UNESCO | UNESCO | UNESCO | UNESCO | UNESCO | United Nations Educational, Scientific and Cultural Organization | UNESCO | Unesko | Organización de las Naciones Unidas para la Educación, la Ciencia y la Cultura | UNESCO | UNESCO | یونسکو | Yhdistyneiden kansakuntien kasvatus-, tiede- ja kulttuurijärjestö | Organisation des Nations unies pour l'éducation, la science et la culture | UNESCO | UNESCO | אונסק"ו | UNESCO | UNESCO | UNESCO | UNESCO | 国際連合教育科学文化機関 | იუნესკო | 유네스코 | UNESCO | UNESCO | UNESCO | УНЕСКО | United Nations Educational, Scientific and Cultural Organization | UNESCO | UNESCO | UNESCO | Organização das Nações Unidas para a Educação, a Ciência e a Cultura | UNESCO | Организация Объединённых Наций по вопросам образования, науки и культуры | UNESCO | United Nations Educational, Scientific and Cultural Organization | UNESCO | Organizacija Združenih narodov za izobraževanje, znanost in kulturo | УНЕСКО | UNESCO | ஐக்கிய நாடுகள் கல்வி, அறிவியல், பண்பாட்டு நிறுவனம் | ยูเนสโก | UNESCO | ЮНЕСКО | Tổ chức Giáo dục, Khoa học và Văn hóa Liên Hiệp Quốc | 联合国教育科学文化组织 | Unesco