La peddi (o cuti) è n'urganu di l'armali virtibbrati cumpostu dûn liveddu di tissutu ca pruteggi li musculi e l'urgani suttastanti.

La peddi, supra criaturi riularmenti esposti a raggi dû Suli, avi na picmintazzioni. La peddi umana varia tantu tra li pupulazzioni. Chistu purtau a li voti macàri ô razzismu.

La peddi dî Mammiferi spissu cunteni pili, e si chisti sunnu 'n na misura cunzidirivuli vennu chiamati piddizza. Lu principali scopu dî pili è d'aumintari l'isulamentu dâ peddi. Supr'arcuni armali la peddi è assai dura e spissa, e si travagghiata pò addivintari cuoriu.

La peddi, si danniggiata, prova a guariri furmannu na cicatrici, spissu purtannu â sculurazzioni dâ peddi. Idda è canusciuta videmma comu "l'urganu chiù granni dû corpu umanu", e nfatti la sô supirficii è di circa 2 metra quatri.

'N midicina, la branca ca studia la peddi si chiama dermatoluggia.

Strati

La peddi è cumposta di dui strati: l'epidirmidi e lu derma.

L'epidirmidi

L'epidirmidi è la zona chiù esterna dâ peddi. È cumpostu di cilluli nduruti a causa dâ chiratina. Â sô basi ci sunnu nummarusi strati di cilluli ca si ripruducinu cuntinuamenti, pi rimpiazzari chiddi ca morinu e cadinu (causannu, p'asempiu, la furfora).

Lu derma

Lu derma è lu stratu nternu dâ peddi. 'N iddu sunnu prisenti li cilluli suduriparii, li bulbi piliferi e li tirminazzioni nirvusi. mentri â sô basi c'è lu pannicolu adipusu, furmatu di grassu.

Tipi di peddi

Ci sunnu tipi di peddi spissi e àutri, suttili. La peddi spissa s'attrova supra li chianti dî pedi e supra li parmi dî manu. Avi nu stratu di curnea chiù granni, ca cunteni un majuri cuntinutu di chiratina. Supra stu tipu di peddi nun criscinu li pili: lu sô scopu è nfatti chiddu di migghiurari la prisa. La peddi suttili, mmeci, è prisenti supra tuttu lu restu dû corpu, avi nu stratu di curnea minuri, è chiù elastica. Noltri stu tipu di peddi pirmetti la criscita di pili.

Funzioni

Li funzioni dâ peddi sunnu li siquenti:

1. Prutizzioni: Custituisci na barrera anatumica tra l'ammienti nternu e esternu ô corpu.
2. Sensu: Garantisci lu sensu dû tattu.
3. Dipusitu: Funziona comu dipusitu pî lipidi e l'acqua.
4. Assurbimentu: Nichi quantitati d'ossiggenu, azzotu e anidridi carvunica ponnu diffunnirisi attravirsari l'epidirmidi.
5. Sicrizzioni: Cuntribuisci a riulari la timpiratura midianti la sicrizzione dû suduri.
6. Riulazzioni dû caluri: La peddi cunteni chiannoli sibacei e musculi lisci erittura dî pili.

Iggieni

La peddi avi a essiri puluta riularmenti, autrimenti putissi nciammarisi o spaccarisi. Noltri, la peddi nun puluta favurisci lu sviluppu d'elementi patuggeni. Si lu lordu nun veni lavatu via abbastanza spissu, oltri a emanari un tintu uduri, la peddi pò ndibbulirisi.

Mmicchiamentu e malattii

La peddi mmecchia, addiventa sempri chiù suttili e dibbuli. La peddi pò ammalarisi, p'asempiu di tumuri o di malattii micutichi.

Anatumìa

Fonti

La fonti di st'articulu è Uicchipidia Taliana :

http://it.wikipedia.org/wiki/Pelle

Vel | جلد | Кожа | Pell | Kůže | Croen | Hud | Haut (Säugetiere) | Skin | Haŭto | Piel | Nahk | پوست | Iho | Peau | Pel | עור | Kulit | Pelle | 皮膚 | Oda | Huid | Hud | Balat | Skóra (histologia) | Pele | Skin | Koža | Koža | Кожа | Kulit | Hud | Cilt (Organ) | 皮膚