Anatumìa

L'anatumìa (dû grecu ανατομή, anatomè = "dissizzioni"; furmatu di ανά, anà = "attraversu", e τέμνω, tèmno = "tagghiari") è la scienza ca studia la forma e la struttura di l'urganismi. Fa parti ntigranti dâ bioluggia

La "divisioni tagghiannu" è unu dî menzi di studiu di sta scienza, ca 'n manera chiù esatta putissi essiri chiamata "morfoluggia".

Veni suddivisa 'n anatumia animali (Zuotumia) e viggitali (Fitotumia).

Lu studiu dî rilazzioni tra essiri diversi o urgani d'essiri diversi veni ditta anatumia cumparata; quann'è limitata a una sula specii animali, veni ditta anatumia spiciali.
Prima rapprisintanti di l'anatumia spiciali è l'anatumia umana; chista pò essiri apprucciata di diversi punti di vista.
Dû puntu di vista mêdicu cunsisti ntâ canuscenza di l'esatta forma, pusizzioni, misura e ntirrilazzioni dî varii parti dû corpu umanu 'n saluti, e a stu studiu vennu dunati li tèrmini anatumia umana discrittiva o tupugrafica.

Na canuscenza accurata di tutti li dittagghi anatumici nicissita anni d'ussirvazzioni e è pussiduta sulu di pochi. Lu corpu umanu è accussì cumplessu, ca sulu un ristrettu nummaru d'anatumisti umani patruniggia tutti li sô dittagghi: tanti si spicializzanu sulu supra arcuni parti, comu lu ciriveddu, li visceri, ecc., accuntintannusi di na bona canuscenza ginirali dû restu dû corpu.
L'anatumia tupugrafica àvi a essiri apprisa d'ogni aspiranti anatumista tramiti la ripituta dissizzioni e ispizzioni dî cadaveri. Si tratta dûn tipu di canuscenza pi certi versi simili a chidda dûn pilota d'aireu, àvi a essiri pricisa e dispunibbili 'n situazzioni d'emirgenza.

Dû puntu di vista murfuluggicu, l'anatumia umana è n'affascinanti studiu scintificu c'àvi com'uggettu la scuperta dî cause c'hannu purtatu a l'attuai struttura di l'essiri umanu, e nicissita la canuscenza d'àutri scienzi: l'istoluggia, la citoluggia e la fisioluggia.

L'anatumia patuluggica è lu studiu di l'urgani malati. Mentri li varii disciplini dâ nurmali anatumia, ca s'applicanu a vari scopi arricivinu na dinuminazzioni particulari comu anatumia mêdica, chirurgica, giniculuggica, artistica e supirficiali; la cumparazzioni anatumica dî diffirenti etnii fa parti dâ scienza di l'antropoluggia fisica o di l'anatumia antrupuluggica.

Branchi di l'anatumia

Apparati e sistemi dû corpu umanu

Urgani dû corpu umanu

Principali ossa dû schiletru

Ghiannoli

Tissuti biuluggici animali

Autri tèrmini anatumici (nun classificati)

Vuci currilati

Studiu di l'anatumia

Viditi puru:

Malatìi

Culligamenti esterni