Aggittivi

La casa bedda. Lu muru autu.

Aggittivi Pusissivi

L'aggittivi pusissivi sunnu:

Singulari

Miu mia Tou tua Sou sua

Plurali

Nosrtu nostru Vostru vostru Soi soi

St'aggittivi, a lu singulari si cuntrainu a mè, tò, sò.

St'aggittivi sunnu puru usati cu na pripusizzioni simprici o cumposta:

Iddu jòca cu la tô palla

Dda casa è di sô matri

Aggettivi Indicativi

Chistu Chista

Chiddu Chidda

Si ponnu cuntrarri a :

Stu Sta

Ddu Dda

Aggittivi Quantitativi

L'aggittivi quantitativi indicanu quantità:

Quantu, picca, troppu, tantu, abbastanti, assai

Aggittivi Dimustrativi

L'aggittivi dimustrativi sunnu chiddi chi indicanu di cui o di chi parramu:

Masculinu Femini

Chistu chista Chissu chissa Chiddu chidda

St'aggittivi sunnu spissu usati nni la forma cuntratta:

Stu sta Ssu ssa Ddu dda

Diminutivu, Maggiurativu e Piggiurativu

Ntô Sicilianu ci sunnu certi modi di altirari la qualità o la quantità di un nomu o di n'aggittivu.

Lu diminutìvu

Pi spicificari quantità o qualità, fari quarcunu o quarchi cosa cchiù nichi o pi mustrari affizzioni (vizziggiativu). Pi fari lu diminutivu si agghiuncinu li suffissi iddu, eddu, uddu, teddu, ceddu, uzzu, a lu nomu o all'aggittivu:

Sèggia, siggitèdda, Màsculu, masculìddu, Pezzu, pizzùddu, piru, pirìddu, Soru, surùzza,

Lu maggiuratìvu

Pi spicificari puru quantità o qualità, nta stu casu aumentu di lu suggettu. Pi fari lu maggiurativu s'agghiunci lu suffissu uni a lu singulari e una a lu plurali di lu nomu o di l'aggittivu

Casa, casuni, Manu, manuni,

Lu piggiuratìvu

Pi significari bruttizza. Pi fari lu piggiurativu s'agghiunci lu suffissu azzu (mascul.) o azza (fimmin.) a lu nomu o all'aggittivu, e tutti dui geniri finiscinu cu la i a lu plurali:

Casa, casàzza, aceddu, aciddazzu,

Cumparativu e Assolutu

Lu cumparativu n Sicilianu è fattu di dui maneri: paragùni di qualità` agghiuncennu n'avverbiu:

comu, tantu e quàntu

E paragùni di inequalità, agghiuncennu l'avverbi

cchiù, menu

Certi cumparativi, fatti cu mègghiu o pèggiu, nun pigghianu l'avverbiu cchiù:

Lu superlatìvu relativu

si forma agghiuncennu l'articulu diterminativu lu, la, li, all'avverbiu:

Li cchiù nichi, Lu cchiù forti

Lu superlatìvu assolùtu

si forma agghiuncennu lu suffissu issimu, issima, pi lu singulari e issimi pi lu plurali. Si pò puru furmari cu l'avverbi assai, veru o lu suffissu uni:

Benìssimu, Carìssimu, Assài lentu, Veru duci, Riccùni

Grammatica

Lingua siciliana

Gourt Home::Gourt :: Aggittivi