L'Organisacion internacionala de normalisacion o International organization for standardization en anglés (ISO per la forma abreujada) es una organisacion internacionala, creada en 1947, compausada de representants dels organismes de normalisacion nacionals d'aperaquí 150 païses, que produtz de nòrmas internacionalas dins de domenis industrials e comercials. Lo secretariat central de l'ISO es situat a Genèva, en Soïssa. Assegura als membres de l'ISO lo sosten administratiu e tecnic, coordena lo programa decentralisat d'elaboracion de las nòrmas e procedís a lor publicacion.

I a diferentas categorias de membres :

• lo comitat membre de l'ISO : l'organisme nacional « mai representatiu de la normalisacion dins son país »
• lo membre correspondent pels païses qu'an pas encara d'organisme nacional representatiu
• lo membre abonat pels païses que lor economia es limitada

Pels païses francofòns, los membres son : l'AFNOR (França), l'IBN (Belgica), le SNV (Soïssa), lo SCC (Canadà), etc.

L'ISO coopèra amb la Comission electrotecnica internacionala (CEI), responsabla de la normalisacion d'equipaments electrics.

Una error frequenta es de creire qu'ISO significa International Standards Organization alara qu' ISO es pas un acronim : lo tèrme ven del mòt grèc ίσος iso, significant egal. L'usatge d'un acronim auriá agut per consequéncia l'utilisacion de l'acronim IOS en anglés, OIN en francés e atal successivament dins las autras lengas, çò qu'explica perqué los fondators de l'organisacion an causit la denominacion comuna corta ISO.

Veire tanben

Articles connèxes

• Lista de nòrmas ISO
• IEEE
• CEI

Ligams extèrnes

• Siti oficial

organisme de normalisacion

إيزو | Международна организация по стандартизация | ISO | Mezinárodní organizace pro normalizaci | International Organization for Standardization | International Organization for Standardization | International Organization for Standardization | Internacia Organizo por Normigado | Organización Internacional para la Estandarización | Rahvusvaheline Standardiorganisatsioon | ISO | ארגון התקינה הבינלאומי | ISO | Alþjóðlega staðlastofnunin | Organizzazione Internazionale per le Standardizzazioni | 国際標準化機構 | 국제 표준화 기구 | International Organization for Standardization | International Organization for Standardization | ISO | ISO | International Organization for Standardization | International Organization for Standardization | Международная организация по стандартизации | Medzinárodná organizácia pre normalizáciu | Mednarodna organizacija za standardizacijo | ISO | அனைத்துலக நியமப்படுத்தல் நிறுவனம் | องค์กรนานาชาติสำหรับการกำหนดมาตรฐาน | ISO | Xalıqara Standartlaw Oyışması | Tổ chức tiêu chuẩn hoá quốc tế | 國際標準化組織 | ISO