France

Related Topics:
Frances :: Francer,_Istvan :: France_98 :: Francesca,_Piero_della :: France :: Francesville :: Francestown

**République française**

(en détail)
France coa.png

Langue officielle Français Capitale Paris Chef d'êtat Jacques Chirac Preunmié Minnistre Dominnique dé Villepîn Monnaie ûro Zone dé l'heuthe UTC+1 (DST+2) Antienne La Marseillaise Fête nâtionnale 14 Juilet Întèrnet TLD .fr Code à phôner +33

La France ( Fraunce, Frànce) est un pays en Ûrope. Ch'est iun des membres dé l'Unnion Ûropéenne.

La France a tchiques tèrritouaithes hors Ûrope étout.

Histouaithe

Quand les Romains contchéthîtent lé tèrritouaithe tch'est la France d'au jour d'aniet, la Gaule 'tait divisée en trais parties. La tchultuthe Romaine a laîssi d'l'archéologie et l'Latîn est dév'nu les langues Romannes qu'nou pâle acouo.

Avaû les siècl'yes, les rouais d'France avaient ramâssé des tèrritouaithes, des provînces et des pays pouor en faithe un êtat centralîsé.

La Révolution Française c'menchit en 1789. La preunmié républyique fut dêcliathée et en 1792 l'Rouai Louis XVI fut dgilliotinné, mais Napoléon d'vînt empéreu. Auprès la dêfaite dé Napoléon I à la batâle dé Waterloo, la monarchie fut restauré. En 1848 eune deuxième républyique fut dêcliathée, mais l'Prînce Louis-Napoléon fut voté empéreu et né v'là la S'conde Empithe.

Duthant san règne, des proscrits lus abriaient ès Îles d'la Manche – Victor Hugo s'n allit en Jèrri épis en Dgèrnésy.

D'pis la tchête d'Napoléon III en 1871, la France a 'té eune républyique.

Duthant la S'gonde Dgèrre Mondiale la France fut otchupée par l's Allémands et l'régînme dé Vichy collabouothait auve les otchupants, mais y'avait d'la Résistance et à la fîn la France fut libéthée par l'Alliés auve l'aîgue des forches des Français Libres. Auprès la libéthâtion, eune quatrième républyique fut êtablyie mais les gouvèrnéments 'taient pustôt faibl'yes et nou crititchait l'système parlémentaithe. Auve eune nouvelle constitution nou renforchit l'pouvé du président. La républyique d'achteu est la chîntchième.

Tchultuthe

La France est bein connue pouor sa tchultuthe tch'a înfluencé d'aut' pays.

Dans la peintuthe, l'Împressionnisme, lé Fauvisme, lé Cubisme fûtent lanchis en France.

Dans la mûsique, Hector Berlioz, Georges Bizet, Claude Debussy, Erik Satie 'taient des compositeurs tchi sont bein connus l'travèrs du monde.

Régions

Y'a 22 régions dans la grand' tèrre d'la France :

1. Alsace
2. Atchitaine
3. Auvèrgne
4. Bâsse-Nouormandie
5. Bourgouongne
6. Brétangne
7. Centre
8. Champagne-Ardenne
9. Corse
10. Franche-Comté
11. Haute-Nouormandie
12. Île-dé-France
13. Languedoc-Roussillon
14. Limousîn
15. Lorraine
16. Midi-Pyrénées
17. Nord-Pas-d'Calais
18. Pays d'la Loire
19. Picardie
20. Pouaitou-Charentes
21. Provenche-Alpes-Côte d'Azu
22. Rhône-Alpes

Et y'a 4 régions hortes la grand' tèrre d'la France :

Viyiz étout

Gourt Home::Gourt :: France

Histouaithe

Tchultuthe

Régions

Viyiz étout