Dans la politique, eune constitution est eune louai ou un amas d'louais et d'dotchuments tchi dêcrivent coumme tchi qu'un êtat dait s'gouvèrner.

Y'a bein des pays tch'ont un dotchument tch'a nom constitution, ouaithe qué chu dotchument n'raconte pon les desfinnissailles d'la marchéthie du gouvèrnément. Tout coumme, dans bein d'ches pays chu dotchument est la pus haute louai d'l'êtat et nou n'peut pon pâsser eune louai tchi n'est pon en accord auve chutte constitution.

Dans d'aut's pays, la constitution est pustôt eune manniéthe dé dêcrithe la machinn'nie d'gouvèrnément.

Dans les pays dans tchi qu'la constitution est la pus haute louai, y'a d'couôteunme eune manniéthe dé changi la constitution tch'est difféthente dé pâsser eune louai. Dans des pays, i' faut un référendum pouor changi la constitution; dans des fédéthâtions, eune mâjorité d's êtats daivent lus accorder; dans des pays, lé parlément dait voter par eune mâjorité haûchie.

دستور | সংবিধান | Hiàn-hoat | Конституция | Constitució | Ústava | Forfatning | Verfassung | Põhiseadus | Σύνταγμα | Constitution | Constitución | Konstitucio | قانون اساسی | Constitution | Constitución | 헌법 | Ustav | Konstitusi | Stjórnarskrá | Costituzione | חוקה | კონსტიტუცია | Katiba | Konstitūcija | Konstitucija | Grondwet | Alkotmány | Устав | Perlembagaan | Grondwet | 憲法 | Konstitusjon | Grunnlov | Konstytucja | Constituição | Constituţie | Конституция | Constitution | Ústava | Ustava | Устав | Perustuslaki | Grundlag | Saligang batas | รัฐธรรมนูญ | Anayasa | Конституція | 宪法