Latin høyrer til den italiske greini av indoeuropeiske mål. Upphavleg vart latin tala av latinarane, eit bonde- og gjætarfolk i umrådet Latium, der Roma vart den førande byen. Med nye landvinningar breidde latinen seg utyver Italia, og sidan til mange av umrådi kring Millomhavet. Dei eldre måli der vart trengde ut, og latinen liver vidare i dei romanske måli i dag. Etter at Romarriket braut saman, var latin gjennom heile millomalderen og langt fram i nyare tid lingua franca for dei lærde i Vest-Europa; som tradisjonsmål for Den katolske kyrkja er det framleis offisielt mål i Vatikanstaten. I nyare tid har latin - saman med gresk - vorte nytta til nylaga ord innan vitskap.

Trekk ved språket

---

Latin er eit syntetisk språk, dvs. at bøyingsendingar syner kva funksjon eit ord har i setningi, medan ordstillingi er rimeleg fri. Substantiv vert delte inn i fem deklinasjonar, og bøygde i tal (eintal og fleirtal) og kasus (nominativ, vokativ, akkusativ, genitiv, dativ og ablativ). Adjektiv og pronomen samsvarar i kyn, tal og kasus med subsantivi dei står til. Verbi vert delte inn i fire konjugasjonar, med eigne endingar for kvar person i eintal og fleirtal. I motsetnad til norsk, som berre har tvo finitte tempus, nyttar latin langt færre hjelpeverb.

Latin som talemål

---

Den latinen som vart tala i Romarriket blir kalla Vulgærlatin, og var ikkje identisk med målet Cicero, Cæsar og andre forfattarar skreiv. Med tidi oppstod regionale skilnader, og me fekk dei moderne romanske språki. Dei fyrste grammatikkane for moderne romanske språk var for provencalsk og katalansk, skrivne på 1200-talet. Jamsides med denne utviklingi, fortsette dei lærde å nytta latin i skrift og tale. Uttala av latinen fylgde helst dei nasjonale måli, og samsvarte ikkje med klassisk latin.

Latin | Indoeuropeiske språk | Romarriket

Latin | Latin | Latin | Latyn | Latein | لغة لاتينية | Llatín | Latin-gí | Лацінская мова | Latinski jezik | Latin | Латински език | Llatí | Latina | Lladin | Latein | Ladina keel | Λατινική γλώσσα | Latin | Latín | Latina lingvo | Latin | زبان لاتین | Latin | Latynsk | Lenghe latine | Laidin | Lingua latina | 라틴어 | लातिनी | Latinski jezik | Bahasa Latin | Lingua latin | Латинаг æвзаг | Latína | Lingua latina | לטינית | ლათინური ენა | Latin | Kilatini | Lingua Latina | Latīņu valoda | Latäin | Lotynų kalba | Latien | Latin nyelv | Латински јазик | Bahasa Latin | Latijn | Latien | ラテン語 | Latîn | Latin | Latiensche Spraak | Łacina | Latim | Limba latină | Латинский язык | Limba latina | Gjuha Latine | Lingua latina | Latin language | Latinčina | Latinščina | Латински језик | Latinski jezik | Basa Latin | Latina | Wikang Latin | ภาษาละติน | Latinh | Latince | Латинська мова | 拉丁語 | 拉丁语