Tidssone

Tidssoner er tenkte soner på jorda der klokka er den same fordi ein er komen om lag like langt i døgnet. I tillegg til jordrotasjonen blir tidssonene òg fastsette ut frå landegrensene, slik at dei fleste bruker éin felles tidssone.

Timezones.png

På grunn av at jorda roterer rundt sin akse vil det aldri vere det same tidspunktet på dagen over heile kloden. Dette er løyst ved å dele jorda opp i 24 tidssoner. Til dømes er klokka fire i Oslo, når ho er tre i London.

Tidssonene fylgjer tilnærma kvar 15. meridian. Dei fleste landa fylgjer kun ei tidssone, sjølv om dei dekkjer fleire meridianar. Kina, Russland og USA har interne soneinndelingar. I Europa har Azorane (Portugal) og Kanariøyane (Spania) ei anna tidssone enn fastlandet.

UTC vert ofte nytta for å gje tidssoner.

Tidssoner i forhold til Greenwich

Nullpunktet er 0-meridianen som går gjennom Greenwich i England. Ut frå denne er det satt opp 24 tidssoner med 15 grader mellom. Kvar sone representerer ein time.

På den modsatte sida av jorda, i forhold til Greenwich, går datolinja. Det er altså i tidssona aust for datolinja at årsskfte kjem fyrst.

Tidssone i Noreg

Normaltid i Noreg fylgjer ei tidssone som går 15 grader aust for Greenvich (UTC + 1 time). Oslo ligg 10 grader aust for Greenvich og sola står i sør omlag 20 minutt etter klokka 12. Bergen ligg 5 grader aust og sola står i sør omlag 20 minutt før klokka 13. Vardø ligg 32 grader aust og sola står i sør omlag 5 minutt før klokka 11.

Eksakte tidpunkt for når sola står i sør varierer, og kan finnast i ein almanakk.

Når ein nyttar somartid, flyttar ein seg ei tidssone aust, og sola står i sør ein time tidlegare.

Lenkjer ut

tid | det internasjonale samfunnet

Gourt Home::Gourt :: Tidssone

Tidssoner i forhold til Greenwich

Tidssone i Noreg

Lenkjer ut