Raudehavet

Raudehavet er òg namnet på to statar, ein i Sudan og ein i Egypt

Red Sea 37.95521E 21.41271N.jpg Raudehavet (arabisk البحر الأحمر Baḥr al-Aḥmar, al-Baḥru l-’Aḥmar; hebraisk ים סוף Yam Suf; tigrinja ቀይሕ ባሕሪ QeyH baHri) er ei havbukt frå Det indiske havet mellom Afrika og Asia.

Geografi

RedSeaEgyptReef.jpg

Havet blei til då Afrika og den arabiske halvøya skilde lag, ein prosess som tok til for rundt 30 millionar år sidan. Havet veks fortsatt, og har små vulkanske område i dei djupare delar.

Sambindinga med Det indiske havet går gjennom el-Mandeb-sundet og Adenbukta. I nord ligg Sinaihalvøya, Akababukta og Suezbukta (som leier opp til Suezkanalen). Sjøen er omtrent 1900 km lang og over 300 km på det breiaste. Flatevidda på sjøen er mellom 438 000 og 450 000 km².

Den største djupna er 2 500 m i den sentrale midtre kløfta, medan den gjennomsnittlege djupna er 500 m. Raudehavet har òg vide grunne hyller, kjent for eit rikt maritimt liv med korallar. Havbukta er leveområde for over tusen virvellause dyreartar og for to hundre harde og mjuke korallartar. Ho er ein del av Den austafrikanske riftdalen og er verdas nordlegaste tropiske hav.

Land rundt

Red Sea.png

Raudehavet har kyst til

Egypt, Israel og Jordan i nord
Sudan og Egypt i vest
Saudi-Arabia og Jemen i aust
Djibouti, Eritrea og Somalia i sør

Byar og tettstader

Nokre av byane ein finn ved kysten av Raudehavet er Assab عصب , Massawa مصوع , Hala'ib حلايب , Marsa Alamمرسى علم , Port Sudan بورت سودان , Port Safaga ميناء سفاجا , Hurghada الغردقة , El Suweis السويس , Sharm el Sheikh شرم الشيخ , Dahabدهب , Eilat إيلات , Aqaba العقبة , Jeddahجدة , Al Hudaydah الحديدة.

Namnet

Fram til 1900-talet refererte dei fleste europeiske kjelder til Raudehavet som den arabiske golfen, med støtte i gamle greske tekstar. Herodotus, Straban og Ptolemaios kalte han Arabicus Sinus, medan Erythrias (Raude)-havet viste til sørlegare farvatn, dagens Indiske hav.

Raudehavet er ikkje sjølv raudt, og det er uklart kvar namnet kjem frå. Det kan visa til dei raudfarga fjella rundt som ofte speglar seg i vatnet, eller til dei raude algene Trichodesmium erythraeum som blomstrar opp nær overflata med jamne mellomrom.

Fysiske eigenskapar

SharmView.jpg i Egypt. (Foto: Ian Sewell)]]

Overflatetemperaturen held seg gjerne jamt på 21-25°C. Temperatur og sikt i sjøen held seg gode ned til 200 meter djupne, men havet er kjent for sterke vindar og sterke lokale straumar.

Turisme

Turistar vitjer Raudehavet på grunn av det milde klimaet og for å sjå livet i havet. Det er kjend for vakre dykkestader som Ras Mohammed, vraket SS Thistlegorm, Elphinstone, The Brothers og Rocky Island i Egypt, og har fleire mindre kjende stader i mellom anna Sudan.