Knut den mektige
Knud II den Store
Canute I the Great

Cnut.jpg
Norsk konge:	1028-1035
Dansk konge:	1018-1035
Engelsk konge:	1014-1035
Etterfylgde i Noreg	Olav II den heilage
Etterfylgjar i Noreg	Magnus I den gode
Etterfylgde i Danmark	Harald II
Etterfylgjar i Danmark	Knut III Hardeknud
Etterfylgde i England	Edmund II
Etterfylgjar i England	Harald I Harefot
Fødd	om lag 995
Fødestad	Danmark
Død	12. november 1035
Dødsstad	Shaftesbury i Dorset i England
Gravlagd	Winchester i England
Gift med	Emma av Normandie
Frille	Alfiva (Aelgifu)
Born	1016 Harald (med Alfiva) 1018/1019 Knut 1025 Svein Knutsson (med Alfiva) Gunhild

Knut den mektige var konge av Noreg i tida frå 1028-1035. Han var fødd om lag 995 og døydde 12. november 1035. Knut var konge av Danmark frå 1018 til 1035 som "'Knud II den Store". Han var konge av England frå 1014 til 1035. På engelsk språk vert han omtala som "Cnut I" eller "Canute the Great".

Han var døypt "Lambart" og omtala seg sjølv som det. Tilnamna "den store" eller "den mektige" fekk han av di det lukkast han å ta med Noreg og delar av Sverige i riket sitt.

Etter at faren kong Svein Tveskjegg (dansk: Svend I Tveskæg) døydde i 1014 vart Knut kåra til konge av England. Vikinghæren gjorde denne kåringa, men det skulle fleire kampar til for å vinna makta over det meste av England. I samarbeid med den seinare Olav den heilage vart Knut konge av heile England i 1016. I 1017 gifta han seg med kong "Ethelred den rådville" si enkje Emma av Normandie. Ho var dotter av normannarhertugen Robert. Knut si syster, Estrid, gifta seg med bror til hertugen, Richard. Olav den heilage av Noreg og Anund Jakob av Sverige i tillegg til svenske Ulf Jarl inngjekk eit forbund mod kong Knut.

I 1026 sigra Knut over dei i slaget ved Helgeå i Skåne. Same år skal han ha lète Ulf myrda i Roskilde Domkyrkje. Det var to Ulf Jarl, ein i Sverige og ein i England.

I 1028 gjekk Knut til åtak mot Noreg med 1400 skip. Nordmennene slutta opp om han og tvang Olav den heilage til å flykta. Han innsette fyrst sin systerson Håkon som konge. Då denne drukna innsette Knut sonen sin Svend, i Noreg kalla Svein Knutsson.

Knud den mektige var då ein mektig konge. Då han vitja Roma for å sjå pave Johannes XIX krona den tyske kong Konrad til keisar av Det heilage romerske riket av tysk nasjon, vart Knut hylla som den nest mektigaste kristne fyrsten. Knut såg på seg sjølv mest som konge av England og var lite i dei andre landa. Han døydde i 1035 og vart gravlagd i domkyrkja i Winchester.

Etterfylgde: Olav II den heilage

Sjå òg: Norske regentar

Etterfylgjar Magnus I den gode

Etterfylgde: Harald II av Danmark

Sjå òg: Danske regentar

Etterfylgjar Hardeknud

danske regentar | norske regentar | engelske regentar | folk frå mellomalderen | personar frå norrøn tid

Knut II av Danmark | Knut den store | Knud den Store | Knut der Große | Knut Suur | Canute the Great | Canuto II de Dinamarca | Knut II de Danemark | 크누트 대왕 | קאנוט הגדול | Knoet de Grote | クヌーズ1世 (デンマーク王) | Kanut Wielki | Canuto, o Grande | Кнуд Великий | Knuut Suuri | Канут Великий