Frisisk høyrer til dei vestgermanske språka. Frisisk er utbreidd langs nordsjøkysten av Nederland og Tyskland, og blir tala av omlag 400 000 menneske.

Dei første skriftlege kjeldene stammar frå 800-talet, da det frisiske språket framleis vart sett på som del av det gammallågtyske språket.

Det frisiske språket som finst idag oppstod i løpet av 1400-talet, og er no oppdelt i tre dialektgrupper, som er så ulike at brukarane har vanskar med å skjøne kvarandre.

• Nordfrisisk blir tala i den tyske delstaten Schleswig-Holstein, på Amrum, Föhr, Sylt, Helgoland, Halligen og det nordfrisiske fastlandet. Av ca 164 000 nordfrisiske menneske talar no berre ca 10 000 nordfrisisk. Sidan 2004 har nordfrisisk amtspråkstatus i Nordfriesland og Helgoland. I den danske delen av det frisiske busetjingsområdet, i sørvest-Jylland, blir frisisk idag ikkje tala meir.

• Austfrisisk, i forma Saterfrisisk, blir tala i Saterland og Cloppenburg av mellom 1 000 og 2 500 menneske. I Ostfriesland sjølv er frisisk utdøydd. Det vart fortrengt av lågtysk (plattysk, nedertysk) og høgtysk på 1950-talet.

• Vestfrisisk blir tala i den nederlandske provinsen Friesland av omlag 440 000 menneske, av desse har ca 350 000 frisisk som morsmål.

indoeuropeiske språk | germanske språk

Frisiska | Frisisk

Fries (taal) | Frisón | Fris%C3%B3 | Frisisk | Friesische_Sprache | Frisian language | Frisa_lingvo | friisi | Frison | Frysk | Bahasa Frisia | フリジア語 | Yeth_Frisek | Fries | Fries (taal) | J%C4%99zyk_fryzyjski | Limba_frizian%C4%83 | Фризский язык | Frisiska