t Stadsgrunnegs (ook Stadjeders nuimd) is t Grunnegse dialekt dat ien de Stad proat wordt. t Beheurt tot de Noordwest-Leegsaksische dialekten woar ook de andere Grunnegse dialekten en t Oostfrais tou beheuren.

t Stadsgrunnegs is t orginele Grunnegs dat tot de loate middelaiwen allend ien de Stad proat wuir. Bie de verainen van Stad en Lande (provinzie) nam t Grunnegs laanksoam t Frais oet de Ommelanden grotendails over. In de provinzie worden nog n aantel Fraise woorden of oetdrukkens bruukt. Dizze binnen nait tot naauwleks aanwezeg ien t Stadsgrunnegs.

t Stadsgrunnegs is staark verwant aan t Noordvelds (Noord-Drìnts) dat ook tot t Grunnegs rekend wordt.

Aal is t Stadsgrunnegs t orginele Grunnegs, t zuvere dialekt verdwient laankzoam. Dit kommt onderandere omdat n groot dail van de jonge bewoners van de Stad studenten binnen, dij veur n groot dail nait oet de Stad of provinzie ôfkomsteg binnen.

Stadjeders.GIF

Stadsgronings

Grunnegs artikel | Nedersaksisch