Dat US-Zensusbüro (United States Census Bureau oder Bureau of the Census) is en Deel vun't US-Hannelsminsterium. De Opgaven vun de Behöörd sünd in de Verfaat vun de USA fastleggt, de seggt, dat de Inwahners vun de USA tominnst alle teihn Johr in en Zensus tellt warrt, dat de Liddmaten vun't US-Kongresshuus dorna fastleggt warrn köönt. Todem schöölt allgemene statistische un demograafsche Daten över de Inwahners, de Natschoon un de Weertschop sammelt warrn. Siet 1903 is dat US-Zensusbüro dat offizielle Organ för de Statistiken vun de USA.

Zensusregionen

Dat Büro hett twölf regionale Büros in Atlanta, Dallas, Los Angeles, Boston, Denver, New York, Charlotte, Detroit, Philadelphia, Chicago, Kansas-Stadt un Seattle.

Dat Büro deelt dat Land in veer Regionen de wedder in negen Ünnerregionen deelt sünd.

• Region 1 (Noordoosten)

• Ünnerregion 1 (Neeengland)

• Ünnerregion 2 (Middelatlantik)
  • Region 2 (Merrwesten)

• Ünnerregion 3 (noordöstlich Zentrum)

• Ünnerregion 4 (noordwestlich Zentrum)
  • Region 3 (Süden)

• Ünnerregion 5 (Süüdatlantik)

• Ünnerregion 6 (süüdöstlich Zentrum)
• Ünnerregion 7 (süüdwestlich Zentrum)
  • Region 4 (Westen)

• Ünnerregion 8 (Bargen)

• Ünnerregion 9 (Pazifik)

Weblenken

• Websteed vun't US-Zensusbüro (engelsch)

Behöörd | USA | Demografie

United States Census Bureau | United States Census Bureau | United States Census Bureau | Bureau du recensement des États-Unis | United States Census Bureau | アメリカ合衆国統計局 | Bureau of the Census | Cục Thống kê Dân số Hoa Kỳ | 美国人口调查局