Nichtmetalle sünd in de Chemie de Elementen, de keen Metall sünd.

De Nichmetalle steiht in dat Periodensysteem baben un rechts. De metallische Charakter ward in een un de sülvige Period na rechts jümmers weniger. In een Grupp wasst he dorgegen vun baben na ünnen, dat heet je grötter de Atomens, desto metallischer dat Element.

Typische Nichtmetalle sünd:

• Waterstoff
• Suurstoff
• Swefel
• All de Halogene, to'n Bispeel dat Chlor
• Stickstoff

Nichtmetalle sünd bannig elektronegativ. Dat heet, dat se geern noch wat an Elektronens dorto kreegen wüllt. So kümmt dat, dat dat Chlor besünners licht to dat Chlorid-Ion ward. Dorüm finns de Nichtmetalle tomeist as Anion.

Bi den Kohlenstoff geiht dat obers al los mit de Fraag, wat dat nu is. Kieks den Sott an, den de Sottje ut den Schosteen rutholt, denn is dat een Nichtmetall. Besünners obers de Diamant, wat een anner Modifikation vun den Kohlenstoff is, is een typisch Nichtmetall. Obers denn kiek di man den Bleestift ann. Dor is Graphit binnen. Un wenn du dor een Batterie ranmookst un een Lamp, denn kanns sehn, dat de Strom dor good dörgeiht. Dat tellt obers to den metallischen Charakter.

Sülvs bi dat Jod, wat jo nu een Halogen is, is dat so een Saak. Kieks di dat faste Jod an, denn is dat meist so glitterig as een Metall.

لا فلز | No metall | Nekov | Nichtmetall | Αμέταλλα | Nonmetal | Nemetalo | No metal | Epämetalli | Non-métal | אל מתכת | Málmleysingi | Non metallo | 非金属元素 | 비금속 | Niet-metaal | Ikkje-metall | Ikke-metall | Niemetale | Não-metal | Nemetal | Неметаллы | Nonmetal | Icke-metall | อโลหะ | Ametal | 非金属元素