Dat Eten is dat, wat de Minsch sik to’n Eten maakt. To de Mahltieden un ok to anner Tieden. Maakt warrt dat Eten tomeist in de Köök. Dat Eten för de Beester warrt tomeist Freten naamt.

Eten mutt de Minsch, dat he sien Energie kriggt un allens wat he to’n Leven bruukt. Eten is obers ok Vergnöögen. De Minsch is’n Allensfreter, seggt de Biologens. Un so eet de Minschen ok meist allens, wat se mang de Padden kreegt. Vun Tang un anner Planten bit na Krabbeldeertjes un Veehtüüch.

In de plattdüütschen Lannen gifft dat’n groten Slag typische Saken to Eten:

• Aalsupp
• Beern, Bohnen un Speck
• Bookwetenjanhinnerk
• Gröönkohl, de in Bremen un in Brunswiek Bruunkohl heet
• Labskaus
• Pannkoken
• Spickaal mit Klüten
• Snuten un Poten (vun dat Swien)
• Swattsuur
• Franzbroot, gifft dat blot in Hamborg un Ümgegend

Wat dat för’n Eten to Eten gifft, dat hangt vun de Mahltiet af:

• to dat Fröhstück gifft dat tomeist Rundstücken, Koffie oder Tee, welk hebbt ok Müsli dorto oder annern kolen Krom.
• to dat Middageten gifft dat tomeist warm Eten.
• dat Obendeten is denn tomeist wedder koolt. Brod un Kees, Wost un Schinken.

Besünner Eten gifft dat, wenn dat wat to’n Fiern gifft:

• Hochtietseten
• Sünndagseten
• Wiehnachtseten.

Kiek ok bi: Drinken

Eten

Alimentu | খাদ্য | Aliment | Bwyd | Mad | Lebensmittel | Food | Manĝaĵo | Alimento | Toit | Ravinto | Nourriture | מזון | Hrana | Makanan | Alimento | 食品 | Liewensmëttel | Voding | Kulinarija | Tlakwalli | Voeding | Mat | Alimento | Food | Jedlo | Pangan | 食品