Engelsche Spraak

Ingelsch (dat) is een Süsterspraak to dat Plattdüütsche. Ingelsch is een Weltspraak. Kümmt ut England, wat hüüt to Grootbritannien to heurt.

Historie

Ingelsch kümmt ut dat ole Nedersassisch un dat ole Nedderfranksch. Dat keem dorvun, dat so üm dat Enn vun de Römertied de Angeln, Sassen, Nederfranken un Freesen na Britannien seilt sünd. Dat geef denn dat Angelsasssich ellers Anglosaxon, wat teemlich dicht bi dat ole Sassisch is. Dat is sogor meist eenfacher, een olen Angelsassischen Text to lesen as een olen Sassichen Text as den Heliand. De Angeln un Sassen hebbt obers ook wat vun de Römers övernahm.

Denn weern dor ook de Dänens un Norwegers. De sünd as Wikingers ook na England röver un harrn dor röövt, later obers ook Land nahm. So kreeg dat Angelsassische ook noch wat vun de Skandinavschen Spraaken mit.

Denn keem 1066. Dat wöör dat Johr, as Willem, de Normann, ut de Normandie na Hastings schippert is. De Normannens weern twors ook Wikingers, man se harrn de franzeusche Spraak al opnahm. So keem dat Franzeusche in dat Ingelsche rin.

Later weer dat denn, dat in de Hansetied de Kooplü ook na England sünd. Un denn sünd jo Ingelsche Lü op plattdüütsche Schipp fohrt, obers besünners hebbt ook plattdüütsche Lü op ingelsche un amerikansche Schippen anhüürt. So keem dat ook to plattdüütsche Utdrück in dat Ingelsche un ingelsche in dat Plattdüütsche.

De Spraak

Ingelsch is gor nich so swor, tominns de Grammatik. Dat gifft dree Fäll: Nominativ, Genitiv un object case. As op Platt. Bispeel:

The cat is white - the cat's food is brown - I give the cat food - I see the cat.

De Katt is witt - De Katt ehr Eeten is bruun - Ik giff de Katt Eeten - Ik seeg de Katt.

Spraak

Gourt Home::Gourt :: Engelsche Spraak

Historie

De Spraak