Eddelgas

Eddelgasen warrt in de Chemie de Elementen nöömt, de bi Normaldruck als Gas vörliggt un besünners swoor mit annere Elementen oder ok mit sik sülbst reageert. Se kommt ditwegen ok blos as Atomen in de Natur vör un nich, as annere Gasen, as Molekül.

In dat Periodensysteem staht de Edelgasen in de 8. Hööftgrupp. Dat bedüüt, dat de Schalen in de Elektronenhüll von dat Atom all vull sünd. Dorüm künnt de Edelgase ok so slecht mit annerswat regeeren un sik verbinnen. Bit hüüt sünd 6 Edelgasen bekannt: Helium, Neon, Argon, Krypton, Xenon un Radon.

In de Natur kummt op de Eer Edelgasen vör allns in de Atmosphäär, dat heet in de Luft, vör. Dat meeste is dat Argon:

Argon: 0,934 %
Neon: 18,18 ppm
Helium: 5,24 ppm
Krypton: 1,14 ppm
Xenon: 0,087 ppm

Radon is blos in lüttje Spuren vörhannen, so in de Grööt üm de Dusend Atomen op’n Liter Luft.

Gewunnen warrt de Edelgasen ut de Luft. Argon un Helium sünd an billigsten to kriegen, as dat darvon dat meeste gift. Helium is nämlich ok als Deel von dat Eerdgas noch fakener vörhannen. De annern sünd bannig düer in de Produkschoon. In dat Weltall sünd obers Helium dat tweetfakenste un Neon dat drüttfakenste Element.

Chemie

Gourt Home::Gourt :: Eddelgas