West-Europa onderskeidt zich van Centraol- en Oost-Europa deur de geograofie en deur de verskillen in geskiedenis en cultuur.

Veur de Kolde Oorlog werd "West-Europa" gebruukt as begrip um Fraankriek, Ierlaand, 't Verenigd Keuninkriek, Nederlaand, België en Luxemburg an te duden.

Duutslaand en Zwitserlaand wörden gangs ok tut West-Europa erekend, hoewel ziej meestal erekend wörden tut Centraol Europa. Fraankriek wördt deur heur ligging en cultuur ok wel tut Zuud-Europa erekend.

Tiedens de Kolde Oorlog werd de term gebruukt veur de laanden onder Amerikaonse invloedsferen, die deilnammen an de NAVO, as tegenhanger van Oost-Europa, onder Sovjetinvloed. De grèènzen tussen Oost- en West-Europese laanden werden ok wel 't Iezeren Gordien enuumd.

Tut 2003 kun West-Europa zonder prebleem gebruukt wörden veur de laanden van de Europese Unie plus Ieslaand, Zwitserlaand, Liechtenstein, Andorra, Noorwegen, San Marino en Monaco. Mar vanof mei 2004 maken Centraol- en Oost-Europese laanden deil uut van de Unie, wat de definitie van West-Europa weer veraanderd hef.

Sallaands artikel | Europa

Западна Европа | Zapadna Evropa | Europa Occidental | Západní Evropa | Vesteuropa | Westeuropa | Western Europe | Europa Occidental | Europe de l'Ouest | Europa occidental | מערב אירופה | Zapadna Europa | Nyugat-Európa | Vestur-Evrópa | 西ヨーロッパ | დასავლეთი ევროპა | 서유럽 | Vakarų Europa | West-Europa | Vest-Europa | Europa Zachodnia | Europa Ocidental | Europa de Vest | Западная Европа | Zahodna Evropa | Западна Европа | Västeuropa | 西欧