Een pervincie is een dielgebied van een laand mit een eigen regionaole regering. De term pervincie wördt niet overal gebruukt — sommige laanden hebben aandere naomen (Woiwodschap, Département, Oblast, etc.) veur de regionaole bestuurslaogen, aandere veural kleinere laanden hebben gien bestuursnivo tussen de staot en de gemienten. Wanneer een laand wel pervincies hef, is normaolweg 't hiele of 't grote diel van 't laand verdield in pervincies.

Staotsrechtelijk is de pervincie in Nederlaand en België de bestuurlijke ienheid die boven de gemiente stiet. In Nederlaand vörmt de pervincie de ienige bestuurslaog tussen de gemientes en de overheid. In Vlaonderen en Wallonië leit de pervinciaole bestuurslaog tussen de gemientelijke en die van 't gewest. 't Brussels Hoofdstedelijk Gewest hef gien pervincies. An 't heufd van een pervincie stiet een Commmissaoris van de Keuningin (Ndl) of een gouverneur (België). In Indonesië is de pervincie de bestuurslaog tussen de centraole regering en de regentschappen, die op heur beurt opdield bint in onderdistricten.

Pervincies in Nederlaand

• Grunningen
• Drenthe
• Frieslaand
• Overiessel
• Gelderlaand
• Flevolaand
• Noord-Hollaand
• Zuud-Hollaand
• Utrecht
• Zeelaand
• Noord-Braobant
• Limburg

Pervincies in België

• Limburg
• Antwarpen
• Oost-Vlaonderen
• West-Vlaonderen
• Vlaoms-Braobant

Wallonië:

• Henegouwen (Hainaut)
• Naomen (Namur)
• Luxemburg (Luxembourg)
• Luik (Liège)
• Waols-Braobant (Brabant-Wallon)

Brussel: gien pervincies

Drèents artikel | Laand

Provincia | Província | Provincie | Provins | Provinz | Province | Provinco | Provincia | Probintzia | استان | Province | Provinsje | Provincia | פרובינציה | Pokrajina | Provinsi | Provincia | 省 | 도 (행정 구역) | Provincia | Provincie | Provincie | Provins | Provins | Província | Pruvincia | Province | Propinsi | Provins | จังหวัด | İl | Провінція | Tỉnh | 省