Lente

Lente (of veurjaor) is één van de vier seizoenen. 't Astronomisch bepaolde begin van de lente is de lentenaachevening (rond 20 meert op 't noordelijk halfrond en rond 23 september op 't zudelijk halfrond). De zunne geet dan deur 't lentepunt en de dag en de naach bin bienao even lang. De lente eindig mit de zoemerzunnewende (rond 21 juni op 't noordelijk halfrond en 21 december op 't zudelijk halfrond).

Om praktische, mar oek klimaotologische redenen begin de meteorologische lente eerder, op 1 meert op 't noordelijk halfrond en op 1 september op 't zudelijk halfrond. Disse duur dan tot 1 juni respectievelijk 1 december.

In de lente gaon planten (weer) greuien en bleuien. Nao Iesheiligen is de kans op vors klein.

Religieuze fesen en gedenkdaogen in de lente

De Rooms-Katholieke tredisie ken de vastenperiode, dee begin op aswoensdag en eindig mit Paosen. Vasten wördt veurof-egaon deur de vastenaovend. Naost Paosen ken de christelijke traditie oek de Goeie Weke; dreje dagen veur 't paosweekende, Witte Donderdag, Goeie Vriedag en Stille Zaoterdag.

Binnen 't hindoeïsme wördt umstreeks Paosen de Holi-Phagwa evierd.

De seculiere versie van Paosen wörd ekenmark deur symbolen van niej leven, zoas (ekleurde/evarfde) eiers. Oek de paoshaze heur bie dit fees.

Begin astronomische lente

Begin van de astronomische lente (op 't noordelijk halfrond) in de kommende jaoren:

Jaor	Daotum	Tied
2003	21 meert	02:00
2004	20 meert	07:49
2005	20 meert	13:33
2006	20 meert	19:26
2007	21 meert	01:07
2008	20 meert	06:48
2009	20 meert	12:44
2010	20 meert	18:32
2011	21 meert	00:21
2012	20 meert	06:14
2013	20 meert	11:02
2014	20 meert	17:57
2015	20 meert	23:45
2016	20 meert	05:30
2017	20 meert	11:28
2018	20 meert	17:15
2019	20 meert	22:58
2020	20 meert	04:49

De an-egeven tied is de lokaole Nederlaandse tied.
Op 't zudelijk halfrond beginnen op disse daotums de harfs.

West-Veluws artikel | Seizoen

Gourt Home::Gourt :: Lente

Religieuze fesen en gedenkdaogen in de lente

Begin astronomische lente