Grunnen (stad)

Grunnen is de heufdstad van t provinzie Grunnen. De stad geldt as metropool van t noorden. De Stad het 181.000 inwoner (2006). t Is n stad mit veul varieerde handel en industrie. Grunnen is ook n studentenstad. De Rieksuniversiteit Grunnen en de Hanzehogeschool Grunnen hebben soamen roem 40.000 studenten. Grunnen wordt den ook de 'jongste' stad van Nederlaand nuimd. De Stad is as woonstee in trek bie studenten en jonge, kinderrieke gezinnen.

De binnenstad van Grunnen is in 2005 tot beste binnenstad van Nederlaand verkozen. Dit blift e nog tot noa 2007.

Tot wied in de omtrek wordt Grunnen "Stad" nuimd. In de bus lôtst dien strippenkoart zain en zègst: "Stad" en de chauffeur stempelt ôf tot Grunnen. Of zo as de Grunnegers zèggen: "Der is mor ain stad en dat is Stad". Zulf nuimen zai zoch "Stadjer" of "Stadjeder".

Stadjers nuimen Grunnen ook wel laifkozend: "Groot Loug", omdat de sfeer net is as in n "Groot Dörp".

Zulf hebben de Stadjeders as bienoam: mollebonen.

Historie

744px-Groningen Vesting.jpg

Grunnen ontston op t noordelkste uutloper van t Hondsrug. De oldst bekende vermelden dateert uut 1040. Dat joar wordt aangeholden as ontstoansdoatem. t Aiglieks Drentse esdörp wuir in de middelieuwen n belaankrieke handelsploats. Om heu0r gezag te tonen baauwden de stadjers in de dartiende ieuw op aaigens gezag n omwallen. De Stad trad in dij periode ook tou tot de Hanze. De invloud van t Stad op de Ommelanden was dusdoanig groot dat doar de omgangstoal van Frais veranderde in Grunnegs.

De invloud van t Stad op de provinzie uutte zoch op veule menieren. In sommege gevallen, bieveurbeeld in Westerwolde, funksjoneerde de Stad rechtstreeks as laandsheer, in andere gevallen was de Stad enkeld aanwezeg as grondbezitter, in weer andere gevallen as vervener, bieveurbeeld deur t aanleggen van t Stadsknoal of as inpolderaar bieveurbeeld in de Stadspolder. Grunnen was tot wied in de 20. aiw noa t riek de grootste grondbezitter in [[Nederlaand.

Groningen_Der_Aa-kerk_april04.jpg

Grunnen kreeg in 1614 heur universiteit en loater in de zeuventiende ieuw n nije omwallen, ontworpen deur vestenbaauwer Menno van Coehoorn. Dij nije vesten wuir in t rampjaar 1672 belegerd deur de bisskop van Munster, Berend van Goalen. Elk joar op 28 augustus viert de Stad de overwinnen op Bommen Berend (zai Gronnegs Ontzet).

Zainsweerdegheden

Belaankrieke zainsweerdegheden in t zèntrum binnen:

de Martinitoern (ook wel d'Olle Grieze nuimd in t Stadjeders)
bieheurende Martinikèrke (Groningen)
Grode Maarkt
t provinziehuus
de Der Aa-kerk
de Hoogkerk
t Goldkentoor
gezellege winkelstroatken om en bie Viskmaarkt
t daip Hoge der A mit zien pakhuzen
de Korenbeurs
de Prinsentoen
de Prinsenhof
t Stadhuus
veule hofkes, in Grunnen gasthuizen nuimd.

Grunnegs artikel | Grunnen

Gourt Home::Gourt :: Grunnen (stad)

Historie

Zainsweerdegheden