Fraankriek

Fraankriek, officieel de Fraanse Republiek, is een laand in West-Europa en is wat oppervlakte betref 't op-één-nao-grootste laand dat volledig binnen Europa leit. Fraankriek leit tussen 't Kenaol, de Atlantische Oceaon en de Golf van Biskaje (in 't westen), België en Luxemburg (in 't noorden), Duutslaand, Zwitserlaand en Italië (in 't oosten) en Spanje, Andorra, de Middellaandse Zee en Monaco in 't zuden. Oek 't eiland Corsica in de Middellaandse Zee, beheur tot Fraankriek. De heufstad van Fraankriek is Paries, en is ene van de grootste steden van 't laand.

Fraankriek op de Veluwe

Frankriek is ok een buurtschap op Veluwe. 't Leit vlakbie Hierden en is noen geheul op-eslok deur de stad Harderwiek. 't Zol zien naam te danken hem an 't feit dat daor in 't vleden ees een luchtballon uut 't laand Fraankriek neer-ekommen is.

Fraankriek bestung veurdat 't op-eslok wönnen deur Harderwiek veurnaomelijk uut ouwe boerderiejen dee vake al generaoties lang in de femilie wanen. Noen besteet Fraankriek uut veurnamelijk niejbouwhuzen mit daortussen nog een enkele ouwe boerderieje.

De drokke Zuderzeestraotweg, dee vrogger dwars deur Fraankriek en langs 't laandelijk bekende chauffeurscafé "Fraankriek" liep wönnen um-eleg, toen de niejbouwwiek ebouwd wönnen. Middenin de niejbouw ku-j nog een stuk ouwe Zuderzeestraotweg vienden, in de vorm van een stuk asfalt, waor de middenstreep nog op steet. Oek 't ouwe fietspad langs disse ees zo drokke weg leit der nog, ter hoogte van café "Fraankriek"

West-Veluws artikel | Fraankriek | Laand | Lid van de Europese Unie

Gourt Home::Gourt :: Fraankriek

Fraankriek op de Veluwe