Et Bildt is een gemiente en een Nederlaandse laandstreek in de perveensie Frieslaand mit as heufdplak Sint Annaparochie. Et telt 11.010 inwoners (per 1 jannewaori 2006, bron: CBS) en leit an de Waddenzee mit 15,4 km kust.

De naeme "Et Bildt" komp van opgebild, wat opslibd betekent.

De bodem (zeeklei) is slim vruchtber, en et gebied leeft van laandbouw; veurnaemelik siepels en pooteerpels.

Et Bildt mot niet verward wodden mit de Utrechtse gemiente en plak De Bilt.

Keernen

---

De gemiente Et Bildt telt zes officiële keernen. De Nederlaandse naemen bin de officiële. In et pooldergebied van Et Bildt wodt gien Fries, mar Bildts praot. Disse tael is ontstaon deur verminging van de Zuud-Hollaandse dialekten van de poolderbewoners mit et Fries van de omliggende gebieden. Allin in de keern Minnertsga, die niet in et pooldergebied leit der pas sund de gemientelike herindieling van 1984 tot de gemiente Et Bildt beheurt, wodt Fries praot. De gemiente het wel keuzen veur twietaelige plaknaemborden, mar onder de Nederlaandse naeme van de poolderdörpen staot de Bildtse vertaeling vermeld in plaets van de Friese.

Dörpen

Antal inwoners per woonkeern op 1 jannewaori 2004:

Stellingwarfse naeme	Bildtse naeme	Nederlaandse naeme	Antal
Sint Annaparochie	Sint-Anne	Sint Annaparochie	3.990
Minnertsge	n.v.t.	Minnertsga	1.640
Sint Jacobiparochie	Sint-Jabik	Sint Jacobiparochie	1.370
Ooldebildtziel	Ouwe-Syl	Oudebildtzijl	740
Vrouwenparochie	Froubuurt	Vrouwenparochie	620
Ni'j Altoenae *	Nij Altoenae	Nij Altoenae	280

Bron: CBS

* Gien officiële keern

Overige officiële keern:

• Westhoek (Bildts: De Westhoek)

Stellingwarfs artikel | Frieslaand

Het Bildt | Het Bildt | It Bilt | Het Bildt | Het Bildt | Het Bildt | Het Bildt | Het Bildt