Jacques Cartier

Jacques Cartier (Saint-Malo (Francia), 31 'e dicembre d''o 1491 - 19 'e jennaro d''o 1557) fuje nu spluratore francese.

'O rre de Francia, Frangische I 'e Francia, 'o capetejaje pe ttruvà certaines îles et pays où l'on dit qu'il se doit trouver grande quantité d'or et autres riches choses ("cert'ìsule e tterre addò se dice ce stanno oro e àte recchezze a bottafascio"). Dint' 'o 1534 sarpaje 'n cerca 'e nu passaggio 'e punente pe ll'Asia. Isso spluraje na parte 'e chella ch'ogge è Terranova (a partire d''o 10 'e maggio 'e chill'anno) e d''e Maritimes canadese e venne a ssapé 'e nu sciummo cchiù a ovest ('o sciummo San Lurenzo) ch'isso credette putesse èssere chillo passaggio a nord-ovest ca se cercava 'o tiempo. Durante sto viaggio sequestaje li duje figlie 'e Capo Donnacona, Domagaya e Taignoagny e s' 'e purtaje cu isso 'n Europa.

Cartier sarpaje pe nu secunno viaggio 'o 19 'e maggio 'e ll'anno appriesso, cu 3 nave, 110 uommene e li guagliune rapute (che fujeno turnate ô pate). Acchianaje 'o sciummo nzino ê villaggi Uroni 'e Stadacona (int' 'o punto addò ogge sorge Quebec City) e Hochelaga (Montreal) addò arrivaje 'o 2 'e ottovre d''o 1535. Venne a sentì 'e na nazzione cchiù a nord, chiammata Saguenay, ca se diceva fosse chjena d'oro e ate tresore.

'O 23 'e maggio d''o 1541 partette 'a Saint-Malo p' 'o tierzo viaggio sujo. Sta vota jeva cercanno Saguenay; comm'è gghiè, ancora na vota nun arriscette a gghì aroppo Hochelaga. Doppo nu vierno terrìbbele spennuto 'n Canada, turnaje 'n Francia l'anno appriesso. Cartier spennette 'o riésto d''a vita soja a Saint-Malo e dint' 'a tenuta soja vicina, murette int' 'o 1557.

Rìggene

'A rìggene 'e st'articulo è Uicchipedia Taliana:

http://it.wikipedia.org/wiki/Jacques_Cartier

Splurature biografie

Gourt Home::Gourt :: Jacques Cartier

Rìggene