Системот за дишење или респирација е органски систем специјализиран за овозможувањето на дишењето како еден од основните биолошки процеси кои го условуваат животот. Кај посложено градените животни се јавуваат неколку видови на органи за дишење, и тоа трахеи, кожа, жабри и бели дробови.

Трахеите се органи за дишење кај повеќето инсекти. Кожата служи и како орган за дишење кај водоземците, додека жабрите се среќаваат кај рибите и некои мекотели.

Респираторен систем кај цицачите

---

Кај цицачите, а и кај повеќето ‘рбетници, главни органи за дишење се белите дробови. Тие се само дел од поширокиот систем за дишење, составен од спроводен дел и дишен дел.

Спроводниот дел од респираторниот систем го сочинуваат: носот, голтникот, гркланот, душникот, бронхијата и бронхиолите, каде што воздухот поминува низ нив по редоследот по кој се напишани.

Дишниот дел е претставен со белите дробови. Тоа се парни органи со розева боја, обвиткани со белодробна мембранеста обвивка, наречена плевра. Во секој бел дроб навлегуваат бронхиите кадешто завршуваат со многубројни мали меурчиња од еднослоен епител, наречени алвеоли, обвиени со капилари. Преку алвеолите се извршува процесот на размена на гасовите врз база на парцијалните притисоци на секој од нив (јаглерод диоксидот, кислородот и водната пареа). Притоа, јаглерод диоксидот преминува од крвта во алвеолите, додека со кислородот е обратно. Со издишувањето, CO₂ и водната пареа се екскретираат од организмот, а со вдишувањето кислородот навлегува во истиот.

Систем за дишење

جهاز التنفس | Sistema respiratori | System respiradol | Respiratory system | Aparato respiratorio | Spira Sistemo | Appareil respiratoire | Respirala sistemo | Sistem pernafasan | 呼吸器 | Układ oddechowy | Sistema respiratório | Dýchacia sústava | 呼吸系統