Кулинарство

Кулинарство е чин на трансформација на прехрамбени состојки во јадење. Кулинарството опфаќа широк обем на методи на термичка, хемијска и физичка преработка, примена на разновидни алатки и технологии, и креативна употреба на посебни комбинации на прехрамбени состојки, со цел да се подобри вкусот, изгледот или варливоста (во смисол на човековото ефикасно користење на хранливите материи) на јадењето. Кулинарството бара од кулинарите да применат искуство, знаење и мислење во избор, мерење, и комбинирање на одредени состојки и примена на одредени техники и технологии врз нив не би ли се постигнал саканиот резултат.

Кулинарството е посебна активност затоа што живописно ја пренесува прехрамбената, естетската, земјоделската, стопанската, културната и верската разновидност на човечките цивилизации.