Вардар е најголемата река во Република Македонија и македонскиот регион во југоисточна Европа. Таа е 388 км долга и покрива површина од приближно 25,000 km².

Gostivar-Vardar.jpg

Течение на реката Вардар

---

49116551_ea29c2e119_m.jpg

Вардар има навистина композитна речна долина поради редењето на клисури и котлини една по друга вдолж нејзиното течение. Реката извира во Вруток, неколку километри југозападно од Гостивар во северозападниот дел на Република Македонија. Продолжува да тече низ градот Гостивар и котлината Полог каде има неколку притоки: Лакавица, Маздрача, Пена, Бистрица, Ракита. Потоа преку Дервенската клисура навлегува во Скопската котлина каде прима вода од Лепенец, Треска, Пчиња и минува низ Скопје. Преку Таорската Клисура навлегува во малата Велешка котлина и минува низ Велес. Овде се вливаат Кадина Река, Тополка и Бабуна. Пототоа преку Велешката клисура навлегува во Тиквешката котлина каде се вливаат двете нејзини најголеми притоки Црна Река од лева и Брегалница од десна страна. Навлегува во познатата Демиркаписка клисура, а преку нејзе во Гевгелиско-Валандовската котлина каде што ја преминува грчката граница и се влева во Егејското море во Централна Македонија западно од Солун во северна Грција.

Veles01.jpg

Некои податоци за Вардар

---

Должина: 301 km во Република Македонија(вкупно 388 km)

Површина на речен слив: 20 535 km²

Среден пад: 2,1%

Среден проток: 174 m³/sec

80% од течението на Вардар се наоѓа Република Македонија, заради што територијата на денешна Македонија го носела името "Вардарска бановина" во времето на Кралство Југославија.

Верзии за името

---

1. Името Вардар е слично со имињата на други реки што течат во Централна Азиja - Сир Дарjа, Аму Дарjа и Чебдар. Зборот дарjа е персиски и значи река, море или океан.
2. Хидронимот Вардар веројатно потекнува од гермаснкиот збор "Vordol", кој е даден на реката кога Готите биле на овие просотри (5 век од н.е.).
3. Вардар води потекло од истоимениот тракиски збор што значи "црна вода".

Реки во Македонија

Вардар | Vardar | Vardar | Vardar | Vardar | Vardaras | Axios | Vardar | Wardar | Vardar | Вардар | Vardar | Vardar