Milan l'è la cità pussee granda de l'Itàlia dal nord, e la se troeuva in de la pianura de la Lumbardia, la region pusee svilupada e pusee populada de la nazion. I sò abitant se ciamen milanès, ma a sunt anca ditt meneghini de la maschera de carnaval Meneghino.

La citaa la gh'a 1.3 milion de abitant, ma la soa area metropolitana la riva a 4 milion.

El nomm de Milan el vegn da la parola celtica Mid-lan, che la voeur di a la metà de la pianura. L'è divegnuda Mediolanum cont i roman. I todesch la ciamaven (e la ciamen) Mailand parchè quand che i sò populazion eren rivà giò ghe pareva de viv in d'un clima primaveril anca de invernu.

In tra i momument e i palazz famus de Milan se recorden el Domm, el Castell Sforzesch cont i soo musei e el teater a la Scala.

A Milan gh'hinn i famos cà de la moda e i sò negozi (en via Montenapoleone e en la Galeria Vittori Emanuel, ch'el se considera l'area de shopping pusee vegia in del mond). Sti cà han fa diventaa Milan ona de i cità mondial de la moda, come Paris, Lundra e New York.

A Milan se troven anca dò squader de balon; el Milan e l' Inter, che insèma g'han vincio ventinòv scudett, sètt Copp de campion, e cinq copp intercontinentàl. El lor stadì l'è el Giuseppe Meazza, intitolà a Pèpin Meazza, v'on dei pussè grand giocador de balon italian.

El sindich de Milan l'è la sciura Letizia Moratti (2006).

Milan l'è capital dela sò pruvincia

Milan | Milaan | ميلانو | Милано | Milà (Itàlia) | Milán | Milano | Mailand | Milan | Milano | Milán | Milano | Milano | Milan | מילאנו | Milánó | Milan | Milano | Mílanó | Milano | ミラノ | მილანი | 밀라노 | Mediolanum | Milanas | Milāna | Milaan (stad) | Milano | Milano | Mediolan | Milão | Milano | Милан | Milanu | Milan | Milano | Милано | Milano | มิลาน | Milano | Milano | Мілан | 米蘭

Cumün Lumbardìa