't Oppervlak gaef aan wie groet 'n 2-dimensionaal gebeed is. Det kan 't oppervlak van 'n twiedimensionale vörm zeen, meh ouch 't oppervlak van (de boetekant van) 'n driejdimensionale vörm. 't Oppervlak van 'n stök grondj weurt ouch waal gruutde geneump.

De SI-einheid van oppervlak is de veerkante maeter, m². Dees is aafgeleid vanne SI-einheid maeter.

Veur neet-SI-einhede (are, bunder en zoe), zeet: vlakdemaot.

Henjige formules

---

Twiedimensionaal figure

't Oppervlak van inkele twiedimensionaal objekte:

• oppervlak van 'n veerkantj: ziej × ziej.
• oppervlak van 'ne rechhook: lengde × breide.
• oppervlak van 'n roet: ½ × ieste diagonaal × twiede diagonaal.
• oppervlak van 'ne driehook: ½ × basis × huugde.
  • 't oppervlak van 'ne driehook kan ouch mèt de formuul van Heron beraekendj waere.
• oppervlak van 'ne sirkel: π × r², woe-in r de straol van de sirkel is.

Driedimensionaal figure

't Oppervlak van inkele driejdimensionaal objekte:

• oppervlak van 'ne kubus: 6 × ziej × ziej.
• oppervlak van 'ne balk: 2 × ((l × w) + (l × h) + (w × h)), woe-in l, w en h de lengde, breide en huugde zeen vanne balk.
• oppervlak van 'ne bol: 4 × π × r², woe-in r de straol vanne bol is..
• oppervlak van 'ne cilinder: 2 × π × r × (h + r), woe-in r de straol van de sirkelvórmige basis is, en h de huugde vanne cilinder.
• oppervlak van 'ne kegel: π × r × (r + √(r² + h²)), woe-in r de straol van de sirkelvórmige basis is, en h de huugde vanne kegel.

Maetkónde

Oppervlakte | Fläche | Плошча | Площ | Àrea | Areal | Fläche | Έκταση | Area | Areo | Pindala | Pinta-ala | Vídd | Superficie | שטח | Površina | Superficie | Areo | Flatarmál | 面積 | ფართობი | 면적 | Area | Plotas | Platība | Velarantany | Oppervlakte | Flatevidd | Areal | Powierzchnia | Área | Площадь (геометрия) | Area | Površina | Ytmått | பரப்பளவு | พื้นที่ | Площа | 面积 | Bīn-chek