De Merel of Blaon is 'ne vogel oet de femilie liesters, orde Zaankveugel, oet 't geslach Turdus. Heer kump algemein veur in Europa, zoewel in de natuur es in cultuurlandsjappe en steidelike umgeving.

Kinmèrke

---

Merele zien veugel vaan oongeveer 25 cm laank. De mennekes zien gaans zwart (natuurlik oetgezoonderd de albinomerele), behave de beek en 't ougrendsje, die oransj of duustergeel zien, en de pu. 't Verekleid vaan de vruiwkes is broen mèt spikkele. 't Menneke heet 'n eufonisch leed, wat 'r dèks varieert; te deile kump dat doortot heer zien aajd leed gaw vergèt. Merele leve gemeinlik solitair, aanders es beveurbild spriewe, en vörme minder gaw plaoge. Ze oonderhawwe 'n territorium wat door 't menneke verdeideg weurt.

Ze voje ziech veural mèt versjèllende insekte (wespe, vlege, torre) en piere, meh ouch wel mèt besse en zelfs minselik aofval. De eigesjap tot ze alles wat klein genoog is kinne ete en vertere heet de soort zoe sterk gemaak.

Verspreiing

---

De merel kump veur in gans Europa te zuide vaan de Poolcirkel en in 't groetste deil vaan Azië. Op aander plaotse is 'r door de mins mètgenómme of oetgezat; zoe vörmp 'r in Australië en Nui-Zieland zelfs 'ne plaog (vaanwege de naïef populaties dao).

In Nederland en 't Belsj trif me de veugel algemein aon. Vreuger evels waor de merel beperk tot de bós; 't verdwijne vaan de Nederlandse bósse heet daan ouch veur 'nen enormen trökgaank gezörg. Vaanaof de negentiende iew kaom d'n umkier en woorte de bieste cultuurvolgers. De merel dee de bós bewoent is ouch in gering maote 'nen trèkvogel; de stadse merel is staandvogel geweure.

Veurtplanting

---

Sg fexx 19.JPG 't Breujseizoen vaan de merel doort vaan ind miert tot ind juni, en in deen langen tied lègk 't vruiwke twie tot drei kier eier, ederskier veer aon vief, törkwaas mèt zwarte spikkele vaan kleur. 't Nes weurt gemaak in 'ne boum, stroek of kaanjel, oet tekskes en mos. 't Breuje doort twie weke. Tenao weure de jónge nog twie weke gevoojd door bei awwers.

Veugel | Кос | Kos černý | Solsort (Turdus merula) | Amsel | Blackbird | Turdus merula | Mustarastas | Merle noir | Turdus merula | クロウタドリ | Juodasis strazdas | Merel | Kos (ptak) | Melro | Kos | Koltrast | Karatavuk | Måvi