'n Kloasterorde ies in de katholieke kèrk ein religieus gemeinsjap of congegratie, die door de Paus ies erkènd. De lede lègke plechtige geloftes aaf van ermooj, gehuèrzaamheid en kuisheid en leve volges 'ne bepaalde reigel. Bekènd zint de reigel van Pachomius, Augustinus, Basilius, Benedictus, en van Franciscus. Ze wone in kloastersj en weure monnikke of broedersj geneump óf es 't vrouwe betref moniale (sjlotzuustersj), zuustersj of nónne. De lede van de orde drage uniform kleijer. Aan kop van zoan gemeinsjap sjteit de abt (abdis). Ziene vervenger hèt prior (ièrsjte in 't latien). Bie de vrouwe hèt de euversjte priorin (abdis). Zie höbbe, saer de 11e ièw, 't rech um waerdigheidsteikene te drage zoa wie de mieter, rink en 't boorsjkruus.

't Kloaster dreug de naam van de kloasterorde. Vanaaf de 4e ièw ies 't gebrukelik dat kloasterlinge in celibaat leve. Nao 't Concilie van Trente ies dat veur katholieke preestersj en kloasterlinge verpliech.

Kloasterordes

---

• Benedictienersj en Benedictenesse
• Clarisse
• Cisterciënzersj en Cisterciënzerinne
• Norbertienersj en Norbertinesse
• Franciskanersj en Franciskanesse
• Jezuïete
• Montfortane
• Ursuline
• Trappiste
• kanunnike of koarhière
• Kruushière

Bedelordes

---

Bedelordes of mendicante, zint congregaties, die de reigel neet allein op 't individu toepasse meh op de ganse kloastergemeinsjap.

• Karmeliete
• Minderbroedersj
• Dominicanersj
• Augustienersj

Begiene

---

'n Ander gemeinsjap van vrouwe, die bie-ein wone en leve zint begiene.

Ander religies

---

Ouch in 't boeddhisme en 't soefisme ('n sjtruiming binnen de islam) kènt me kloasterordes.

Opus Dei

---

't Opus Dei ies 'n religieus organisatie, woavan 'n deil van de lede celibatair laef en in speciaal centra woont. 70% Haet 'n gezin. De lede drage gein speciaal kleier. Manne en vrouwe kènne lid zin. 't Opus Dei wèrk boete de sjtructuur van parochies en bisdóm. De orde ies actief in 't ónderwies, runt waereldwied 5 universiteite, 11 hoag sjoale, tièntalle basis- en mieddelbaar sjoale. Ze beheert ouch 150 sjtudentehoezer, woavan 5 in Nederland: 1 in Mestreech] en 2 in Amsterdam en Utrech | religie

Vjerski red | Řád (církev) | Ordensgemeinschaft | Religious order | Monaĥaj ordenoj | Ordu | Sääntökunta | Szerzetesrend | 修道会 | Ordo Religiosus | Kloosterorde | Religiøs orden | Zakon | Ordem religiosa | Rehoľný rád