Beeldende kuns

Beeldende kuns ies ‘ne verzamelnaam veur die takke van kuns die ein bepaald gegeve in twiè of drie dimensies oetbeelde. Zoa es:

Sjilderkuns

twièdimensionaal zoa wie ouch teikenkuns en prèntkuns of grafiek. Bie de sjilderkuns geuf 't versjil in materiaalgebroek en toegepasde techniek de volgende verdeiling: olieverf en acrylverf op paneel of dook, aquarel (waterverf),gouache, collage en fresco.

Teikenkuns

ies wèrke mèt punt en lien op papier of paneel (potload en/of pen) (teikening), Pastelteikening.

Prèntkuns

(grafiek): houtgravure, kopergravure en ets.

Textiele kuns

applicaties op sjtof, sjildering in zieje sjtof; weefkuns.

Beeldhouwkuns

of sculptuur ies ‘n driedeminsionale oetbeelding. Nao gelang de materiale en toegepasde techniek te verdeile in: beeldhouwwerk; boetseerwerk en bronsscuptuur; constructies en objecte.

Figuratieve en Abstracte kuns

ies ouch 'n ónderverdeiling, die gemaak weurt in de beeldende kuns.
Diet óndersjeid hingk meistal same mèt de tied woa-in zoan kunswerk óntsjtange ies. (kunsgesjiedenis)