Uelzecht

D'Uelzecht ass ee vun de längste Lëtzebuerger Flëss.

D'Quelle vun der Uelzecht

Zënter Joerzéngten zerrappe sech d'Lokalchroniste vun Däitsch-Oth a vun Thil iwwer d'Quell vun der Uelzecht. De Fall ass net esou einfach, well et net ëm "eng" geet.

De Floss Uelzecht entstaamt dem Zesummefloss vun zwou Baachen. Déi eng entspréngt zu Däitsch-Oth, déisäit der Grenz, am franséischen Departement Moselle, leeft do ënner der rue de l'Alzette an Direktioun Esch-Uelzecht. Déi aner Baach, Vacherie genannt, kënnt vun Thil no bei Villerupt am franséischen Departement Meurthe-et-Moselle a leeft bei Réisseng um Terrain vun Däitsch-Oth an déi aner Baach. An deem Moment entsteet d'Uelzecht, déi eng 400 Meter weider duerch d'Kläranlag vun Däitsch-Oth leeft, fir gebotzt a Richtung Lëtzebuerg weiderzelafen.

D'Uelzecht op lëtzebuerger Terrain

Zu Esch leeft d'Uelzecht ënner der Uelzechtstrooss erduerch a kënnt op der Héicht vum Schlassgoart, beim virmolege Berwart-Schlass, erëm un d'Dageslut. Bis 1911 goung hiere Laf duerch déi haideg Kanal- a Liberatiounsstrooss, fir dann an déi ënnescht Uelzechtstross anzebéien, déi 1905 ugelucht gouf, woubäi d'Uelzecht iwwerdeckelt gouf.

Hannert Esch leeft se "durech d'Wisen", laangscht Schëffleng, Hënchereng, Fenneng, Beetebuerg, Léiweng, Bierchem, Béiweng, Réiser, Hesper, duerch d'Stad Lëtzebuerg, wou se sech tëscht de Sandsteefielsen e Wee gesicht huet.

Hannert der Stad leeft d'Uelzecht viru laangscht Bäreldeng, Walfer, Steesel, Bouferdeng, Hielem, Hënsdref, Luerenzweiler, Pretten, Lëntgen, Gousseldeng a Rollengen. Se fléisst duerch Miersch, an da laangscht d'Uertschaften Biereng, Miesdref, Pëtten, Kruuchten a Kolmer-Bierg, ier se, no 73 km, zu Ettelbréck an d'Sauer leeft.

Nieweflëss

Lenks
Dipbech
Kleemelbaach
Mess
Mierbech
Bibbeschbaach
Doulemerbaach
Drosbech
Péitruss
Klengelbaach
Kaylbaach
Millebach
Mamer
Äisch
Wëllerbaach
Rouschtbach(Essen)
Atert
Deiwelsbaach
Waark

Riets
Keelbaach
Diddelengerbaach
Crauthemergruef
Huerbaach
Kasselterbaach
Rollengerbaach
Rouschtbaach (Miisdref)
Schrondweilerbaach
Kalbaach
Kiselbaach
Ditgesbaach

Literatur

Simmer, Alain: Au sources de l'Alzette, in Hémecht Nummer 3, 1985, Säite 353-367.
Gaspard, Eugène: Note sur la source de l'Alzette. Le pay Haut, 1980, Nummer 1-2, Säite 37-40 in: Le Républicain Lorrain edition de Luxembourg, 10. Mäerz 1982.
Gaspard, Eugène: Les Sources de l'Alzette, Typoskript, 11 Säiten

Linken

Kuckt och

Ons Heemecht, d'Lëtzebuerger Nationalhymn, déi dacks d'Uelzecht genannt gëtt, well se mat "Wou d'Uelzecht..." ugeet. Fir aner Bedeitungen, kuckt Uelzecht (Homonymie).

Um Spaweck

Kaart mat de Lëtzebuerger Flëss

Lëtzebuerger Waasserleef

Alzette | Alzette | Alzette | Alzette