Arkitektura

La Arkitektura es el arte o sensia del disenyo del entorno konstruido; inkluso sivdades, los edifisios, los interiores, el paisaje, los muebles, los objetos, etc. Es el arte de proyektar i konstruir edifisios. Está konsiderada una de las Beyas Artes.

Según el tratado más antiguo ke se konserva sobre la materia, "De Architectura", de Vitrubio, Siglo I a.EK, la arkitektura deskansa en tres prinsipios: la Beyeza (Venustas), la Firmeza (Firmitas) i la Utilidad (Utilitas); la arkitektura se puede definir komo un ekilibrio entre estos tres elementos, sin sobrepasar ninguno a los otros. No tiene sentido tratar de entender un trabajo de la arkitektura sin aseptar estos tres aspektos. Sin embargo, a lo largo de la istoria no resulta ekstranyo ke las distintas sivilizasiones, kulturas o estilos hayan dado preeminensia a uno de estos tres prinsipios en detrimento de los dos restantes. Asi, por ejemplo, la arkitektura de la Antika Gresia hase más hinkapié en la beyeza ke en la utilidad o funsión, mientras ke la Roma antigua destakó por su utilitarismo. La arkitektura kontemporánea es buen ejemplo del predominio de la utilitas (funsionalidad) sobre el aspekto, es desir, la dekorasión i beyeza de los edifisios.

También según Vitrubio:"la arkitektura es una sensia ke surje de mukhas otras sensias, i adornada kon mui variado aprendizaje; por la ayuda de ke un juisio se forma de esos trabajos ke son el resultado de otras artes. La práktika i la teoriya son sus padres. La práktika es la kontemplasión frekuente i kontinuada del modo de ejekutar algún trabajo dado, o de la operasión mera de las manos, para la konversión de la materia de la mejor forma i de la manera más akabada. La teoriya es el resultado de ese razonamiento ke demuestra i eksplika ke el material forjado ha sido konvertido para resultar komo el fin propuesto. Porke el arkitekto meramente práktiko no es kapaz de asignar las razones sufisientes para las formas ke él adopta; i el arkitekto de teoriya faya tambyen, agarrando la sombra en vez de la substansia. El ke es teóriko asi komo tambyen práktiko, por lo tanto konstruyó doblemente; kapaz no sólo de probar la konveniensia de su disenyo, sinó igualmente de yevarlo en ejekusión."

Otra forma de referirse a la arkitektura seriya la de definirla komo el arte de «enserrar el espasio». Un espasio ke se akota i se sierra para darle otro uso. El akotamiento del espasio resulta relativamente sensiyo, el problema es el kubrirlo en su parte superior; este es el gran reto para los arkitektos: la kubierta; porke eya puede determinar todo el resto del edifisio.

Istoria

Sin duda la arkitektura debió nasió en époka prehistórika; posiblemente en el Neolitiko, aunke no resulta ekstranyo ke en épokas anteriores los humanos hubiesen konstruido refujios provisionales kon ramas i pieles, una espesie de «arkitektura efimera». Pero kon el kambio klimátiko produsido por el fin de la última glasiasión, i el deskubrimiento de la agrikultura i la ganaderiya durante la Revolusión Neolitika, es de suponer ke los grupos humanos abandonasen kuevas i abrigos rokosos, para estableserse serka de los kampos de kultivos, i asi dar lugar a las primeras kasas i aldeas.

Sistemas arkitektónikos

Tradisionalmente han eksistido dos sistemas arkitektónikos para resolver el problema de la kubierta: el sistema adintelado o arkitrabado i el sistema abovedado. En el sistema adintelado la kubierta es rekta i deskansa horizontalmente sobre los soportes, por lo ke se han de utilizar grandes blokes de piedra o grandes vigas de madera u otro material mui resistente para soportar el empuje ke resulta vertikal. Por eso fue frekuente ke este sistema se diera en zonas kon abundantes kanteras de piedra o abundantes boskes de donde obtener vigas de madera. El sistema abovedado se karakteriza por el uso de la bóveda i el arko. Tiene la ventaja sobre el adintelado de ke los empujes de la kubierta no son totalmente vertikales, sino ke se desviyan lateralmente kon lo ke se pueden konseguir espasios diáfanos más amplios, además de poder pressindir, si es nesesario, de la piedra i por supuesto de las grandes vigas de madera, i utilizar materiales komo el ladriyo.

Elementos arkitéktonikos

Los distintos elementos de la arkitektura se agrupan en dos grandes blokes: los elementos sustentantes i los sustentados. Los primeros son los ke soportan el peso de la kubierta del edifisio i la transmiten al suelo o superfisie en el ke se asienta. Los segundos forman parte de la kubierta o sirven de transmisores de su peso a los elementos sustentantes.

Entre los elementos sustentantes se ekuentran los muros de karga, las kolumnas, los pilares i otros elementos intermedios komo zapatas, ménsulas, modiyones i simasios.

Entre los sustentados destakan bóvedas, arkos, arkitrabes, dinteles, vigas i artesonados.

Otros signifikados

La palavra arkitektura es usada tambyen para el disenyo o el akto de disenyar otros sistemas komplejos, por ejemplo, arkitektura de komputadoras, arkitektura de software, arkitektura de informasión, arkitektura de mákinas.

External Links

Famous architects - Biographies of well-known architects, almost all of the Modern Movement.

Wikipedia:Artikolos kon grafia ladina

Gourt Home::Gourt :: Arkitektura

Istoria

Sistemas arkitektónikos

Elementos arkitéktonikos

Otros signifikados

External Links