Iohannes Sebastianus Bach

Bach.jpg.]] Iohannes Sebastianus Bach (Theodisce: Johann Sebastian Bach) * 21 Martii 1685 Ysenaci; † 28 Iulii 1750 Lipsiae compositor Theodiscus organistaque praeclarus erat aetate Baroca.

Bachium eccellentissimorum totius orbis musicae creatorum unum putandum non dubitatur. Consummavit ac perfecit traditiones praecurrentes musicamque aetatum posteriorum usque ad dies nostros permanenter inspirat.

Vitae suae circulus localis tam restrictus erat quam spiritus sui circulus scientiae universalis. Neque Italiam visitavit neque Franciam. Civitates principesque quorum musicae fuit director in media Germania tantum inveniuntur. Tamen in operibus suis totius Europae modos musicales sibi assimilavisse et in altum duxisse videtur.

Post nonnullas stationes praevalente Coethen sustinuit dignitatem et obligationes Cantoris ecclesiastici Lipsiensis usque ad finem vitae suae.

Bachii radix spiritualis erat christianismus confessionis Lutheranae quo toto corde adhaerebat. Magna operum suorum copia pro cultu divino facta est. In oratoriis et cantatis tam verba biblica quam cantiones ecclesiae lutheranae nec non poeses contemplativas ad gustum contemporaneum profunde interpretatus est. Eminent etiam compositiones in lingua latina sicut Missae et Magnificat. Sed et musicae saecularis genera omnia ei familiaria erant excepta Opera quae appellatur.

In Concertis Brandenburgensibus, Passione Domini Nostri Iesu Christi Secundum Matthaeum, Missa Solemni toni Si minoris et Arte Fugae ultima et optima paene ad genera singularia musicae occidentalis contributa confecit.

Vide etiam

Compositores | Nati 1685 | Mortui 1750

Gourt Home::Gourt :: Iohannes Sebastianus Bach

Vide etiam