Hydromeli -tis, n. seu hydromel -lis, n., seriore Latinitate mĕdus -i, nonnumquam sed minus accurate "mulsum" dictum, est potio inebrians vino similis sed ex aqua et melle tantum facta.

Nomen hydromeli nonnumquam et in mixturam non ebriantem adhiberi videtur. Secundum Pexenfelderum, melicratum recens "officinae iulepum" dicebatur.

Graecis et Romanis antiquis hydromeli raro in usu erat, sed frequentissimum erat apud Germanos antiquos, et multas alias gentes Europaeas Medii Aevi. Adhuc potatur a Polonibus et Aethiopibus. Videtur fortasse Indoeuropaeis priscis placuisse.

Hydromelitis Genera

• Melicratum est versio hydromelitis multo maiori parte ex aqua.
• Melomeli est concoctio fructuum melle liquidissimo perfusorum, qua poma conservari facillime possint.
• Hydromeli conditum vulgo dicitur methiglin seu meddyglyn, a voce Latina "medicum" et voce Cambriana "llyn" id est "temetum"

Notae

1. Anthimi De Observatione Ciborum, ter. E.g. "Similiter et de medus ^* bene factum, ut mel bene habeat, multum iuvat."
2. Marcus Grant in libri sui Roman Cookery: Ancient Recipes for Modern Kitchens pagina 82, asseverat Bassi hydromeli alcohole egisse, fortasse quoniam ad ignem coquitur.
3. Apparatus Eruditionis, p. 201
4. Vegetius De Arte Veterinaria 3.15.22

Potiones fortes

Hidromel | Medd | Mjød | Met | Mead | Hidromiel | Sima | Hydromel | Hidromel | Idromele | 蜂蜜酒 | Midus | Mede (drank) | Mjød | Mjød | Baûchet | Miód pitny | Hidromel | Mjöd | 蜂蜜酒