Germania

''Haec pagina civitatem media in Europa sitam describit. Vide etiam: Germania (opus Taciti)

Germania seu rectius Germania Res publica Foederalis (Germanice: Deutschland) civitas media in Europa sita est. Berolinum est maxima urbs et caput rei publicae. Hodie verbum Germania imprimis regionem quandam significat, in qua temporibus antiquis Germanorum hodiernorum maiores vitam agebant. Propterea sunt qui Germaniam hodiernam "Theotisciam" nuncupare malint.

Coat of Arms of Germany.svg

(Vexillum)

(Insigne)

Nationis sententia: Concordia et Ius et libertas ("Einigkeit und Recht und Freiheit", Germanice)

Lingua publica Lingua Germanica¹

Caput Berolinum

Praesidens foederalis Horstus Koehler

Cancellaria foederalis Angela Merkel

Provinciae Sedecim Respublicas foederales Status rei publicae democratia cum concilio legumlatorum

Ambitus 175.813,27 saltus

Incolae 82.532.000 (XXXI. Decembris MMIII)

Densitas incolarum 115,43 incolae pro saltu

Dies in qua civitas Germania condita est XVIII. Ianuarii MDCCCLXXI

Dies in qua respublica federalis Germania condita est XXIII. Maii MCMIL

Dies in qua respublicae Germaniae unificatae sunt III. Octobris MCMXC

Moneta Euro (€)

Circulus temporalis MEZ (UTC+1)

Carmen nationis carmen Theodiscorum ("Das Lied der Deutschen")

Vehiculorum insigne D

Interretis abbreviatio .de

Telephonicum praefixum +49

- (1) Sunt etiam linguae paucorum, quae approbatae sunt: Danica, Sorbica, Frisica et alia

Respublicae foederales Caput

- (I) Badenia-Virtembergia (1) Studgardia

- (II) Bavaria (2) Monácum

- (III) Berolinum (3) (Berolinum)

- (IV) Brandenburgum (4) Potestampium

- (V) Brema (5) (Brema)

- (VI) Hamburgum (6) (Hamburgum)

- (VII) Hassia (7) Aquae Mattiacae

- (VIII) Megalopolis-Pomerania Anterior (8) Schwerinum

- (IX) Rhenania Septentrionalis-Guestfalia (10) Dusseldorpium

- (X) Rhenania-Palatinatus (11) Moguntiacum

- (XI) Saxonia (13) Dresda

- (XII) Saxonia-Anhaltinum (14) Magdeburgum

- (XIII) Saxonia Inferior (9) Hannovera

- (XIV) Sliasvig-Holsatia (15) Kilonia

- (XV) Terra Sarrae (12) Saravipontus

- (XVI) Thuringia (16) Erfordia

Germany Laender Map.png

- Deutschland topo.png

Geographia

Germania ab occidente flumine Rheno, ab oriente autem Viadua et Nisa finitur. Meridiana pars attingit flumen Rhenum, Lacum Bodamicum, montes Alpes. Septentrionali mari nomen est mare Suebicum. Septentrionalis pars Germaniae planis regionibus continetur, reliquae partes montes mediocris altitudinis habent. Longissimi fluvii sunt Rhenus, Danuvius, Albis.

Incolae

Octoginta duo miliones hominum Germaniam incolunt. Maior pars eorum Germani sunt. Slavi Sorbi, minor pars, regionem orientalem incolunt. Olim Germani divisi erant in nationes: Frisii, Dani, Saxones, Francones, Alamanni, Chatti, Thuringi et Bavari. Hoc tempore autem nationes illae una in re publica convivunt.

Linguae

Linguae Germaniae sunt Lingua Theodisca sive Germanica, Saxonica, Frisica, Danica, Sorbica, Lingua Bavarica, Lingua Allamannica.

Administratio

Germania res publica foederalis est: scilicet sexdecim civitatibus constat, quae terrae appellantur. Quarum tres urbes sunt: Hamburgum urbs libera et hansae, Brema urbs libera hansae, Berolinum. Terrae unicuique minister primus, "ministrorum praesidens" appellatus, praeest, qui a comitiis terrae eligitur. Curatores terrarum, praesidentes et nonnemo ministrorum, in concilio foederali ius suffragii habent.

Vide etiam: Index regionum (Germaniae)

Ratio politica

Muenze 2dm adenauer.jpg | Horst Köhler praesidens foederalis est. Praesidens summus vir est Germaniae, at vix ullam potestatem habet: personam totius civitatis gerit.
Maximam potentiam Germaniae cancellarius foederalis residens Berolini tenet. Ab anno MXMVIII ad MMV Gerhardus Schröder cancellarius erat, qui coalitionem Socialium Democratorum cum Viridibus rexit. Populus creat homines, quibus credit, ut comitia foederalia forment. Hi homines se plerumque factionibus adiunxerunt. Permagnae factiones sunt Christiana-Democratica Unio et Sociales Democraticae Partes Germaniae, minores Virides, Liberales et Socialisti sunt.

Cancellaria nova Angela Merkel est. Ea rexit secundam coalitionem magnam.

Res gestae

Berlin-wall.jpg Antiquissimis temporibus diversae gentes in Germania vixerunt, quae nobis fontes scriptos non reliquerunt. Romani C. Iulio Caesare duce flumen Rhenum transierunt et alii imperatores regiones Germaniae exploraverunt. Neque totam Germaniam occupaverunt. Limes a regione Confluentium ad regionem Castrorum Reginorum imperium Romanum finivit. Imperio Romano fracto Franci novum imperium condiderunt. Per saecula reges Christiani diversarum gentium Sacrum Imperium Romanum Nationis Germanicae habuerunt. Hoc imperium a Napoleone, rege Francorum, deletum et anno MDCCCVI dissolutum est. Tum multi cives unam Germaniam appetebant, sed reges ducesque diu proposito Germaniae in unum redigendae reique publicae liberae condendae obluctati sunt. Anno MDCCCLXXI sanguine ferroque Imperium Germanicum constitutum est. Postea Imperator Wilhelmus Secundus multis nationibus signa intulit. Imperium autem magnam cladem accepit, Imperator abdicavit. Prima res publica democratica Weimarensis anno MCMXVIII condita est, sed periculosis temporibus non diu duravit.

Dictator Adolphus Hitler paulo plus duodecim annos Germaniam rexit terrore et promissis. Imprimis Iudaeos crudelissime insectatus circiter sexagies centena milia eorum nefarie necanda curavit. Scelesto bello mundano secundo permulti homines occisi sunt et Germania penitus deleta. Anno MCMXXXXV Germania devicta divisa est in quattuor regiones dicioni exterae obnoxias: quarum unam occupaverunt Americani, alteram Britanni, tertiam Francogalli, quartam Sovietico-Russi. Anno 1949 duae res publicae Germanicae constitutae sunt: Germania Foederata et Democratica Res Publica Germanica.

Germania Foederata ab initio membra Unionis Europaeae fuit, cum nationo V allio: Belgia, Francia, Italia, Luxemburgo, Batavia.

Anno MCMXC duae illae res publicae in unius rursus populi corpus coaluerunt.

Oeconomia

Germania est civitas dives, si eam cum aliis civitatibus comparemus. Sed cum multi homines divites sint, pars tamen populi ad paupertatem redacta est, quae pars indies crescit. Hominum pars fere decima ab opera cottidiana cessat invite.

Litterae

Aliquando Germania "terra poetarum et philosophorum" vocabatur. Profecto complures homines miro ingenio praediti Germanice scribendo insignia artificia confecerunt. Ecce exempla quaedam: Martinus Lutherus biblia sacra e lingua Latina in linguam Germanicam transtulit. Carolus Marx descripsit, quemadmodum a bonorum possessoribus miseri opprimerentur. Thomas Mann praeclarum Nobelianum praemium accepit, quia fabulas de civibus illius temporis elegantissimas composuisset.

Societas

Scholae

Vide etiam

Notae

Nexus externus

Germany - Germania nexus speciales