280px-Schloss Sigmaringen.JPG | 280px-Sigmaringen schloss.jpg ჰოენცოლერნ-ზიგმარინგენი ჰოენცოლერნთა დინასტიის შვაბიური და კათოლიკე შტოა. იგი ერთ-ერთი უძველესი გერმანული არისტოკრატული საგვარეულოა, რომელიც პირველად XI საუკუნეში მოიხსენიება გრაფების ტიტულით. დინასტია სავარაუდოდ ბურხარდინგების საჰერცოგო საგვარულოდან წარმომავალი ცოლერნების ერთ-ერთი შტოა. XIII საუკუნის დასაწყისში ჰოენცოლერნები ორ შტო გაიყვნენ: შვაბიური შტო და ფრანკონიული შტო. ფრანკი ჰოენცოლერნები შემდგომში ბრანდენბურგის კურფიურსტები და პრუსიის მეფეები გახდნენ.

1576 წელს შვაბი ჰოენცოლერნები ორ შტოდ გაიყვნენ: ჰოენცოლერნ-ჰეხინგენი და ჰოენცოლერნ-ზიგმარინგენი. ჰეხინგენის შტო 1869 წელს ამოწყდა, ზიგმარინგენის კი დღემდე განაგრძობს არსებობას. დინასტიის საგვარეულო სასახლე ქალაქ ზიგმარინგენში მდებარეობს. დღევანდელ ბადენ-ვიურტემბერგში მდებარე ჰოენცოლერნ-ზიგმარინგენის სათავადო 1849 პრუსიის სამეფომ შეიერთა, თუმცა დინასტია განაგრძობდა მნიშვნელოვანი როლის თამაშა გერმანიის და საერთოდ ევროპის ისტორიაში. ჰოენცოლერნ-ზიგმარინგენის საგვარულო 1866-1947 წლებში მეფობდა რუმინეთში.

ჰოენცოლერნ-ზიგმარინგენის გრაფები, 1576-1623

• კარლ II (1576-1606)
• იოჰანი (1606-1623)

ჰოენცოლერნ-ზიგმარინგენის ფიურსტები, 1623-1849

• იოჰანი (1623-1638)
• მაინრად I (1638-1681)
• მაქსიმილიანი (1681-1689)
• მაინრად II (1689-1715)
• იოზეფ-ფრანც-ერნსტი (1715-1769)
• კარლ-ფრიდრიხი (1769-1785)
• ანტონი (1785-1831)
• კარლი (1831-1848)
• კარლ-ანტონი (1848-1849)

ჰოენცოლერნ-ზიგმარინგენის და ჰოენცოლერნის ფიურსტები

• კარლ-ანტონი (1849-1885)
• ლეოპოლდი (1885-1905)
• ვილჰელმი (1905-1927)

ჰოენცოლერნ-ზიგმარინგენის და ჰოენცოლერნთა საგვარეულოს მეთაურები

• ფრიდრიხი (1927-1965)
• ფრიდრიხ-ვილჰელმი (1965- დღემდე)

გერმანული არისტოკრატთა საგვარეულოები

Hohenzollern-Sigmaringen | Hohenzollern-Sigmaringen | Hohenzollern-Sigmaringen | הוהנצולרן - זיגמרינגן | Hohenzollern-Sigmaringen | Hohenzollern-Sigmaringen