Sameinuðu þjóðirnar


Opinber tungumál	arabíska, enska, franska, kínverska, rússneska og spænska
Aðalritari	Kofi Annan (síðan 1997)
Stofnaðar	sem stríðsbandalag: 1. janúar 1942 sem alþjóðasamtök: 24. október 1945
Meðlimir	191
Höfuðstöðvar	New York-borg, Bandaríkjunum
Vefsvæði	www.un.org

Sameinuðu þjóðirnar (S.þ.) eru alþjóðasamtök stofnuð 1945 sem nú hafa 192 aðildarríki. Öll almennt viðurkennd sjálfstæð ríki í heiminum, að Vatíkaninu undanskildu, eru nú meðlimir. Vatíkanið á eina varanlega áheyrnarfulltrúann og getur sóst eftir fullri aðild ef það kýs svo. Önnur byggð svæði í heiminum sem þá standa eftir og ekki eru aðilar eru Vestur-Sahara, Lýðveldið Kína (Tævan) og Heimastjórnarsvæði Palestínumanna, en þau síðastnefndu hafa áheyrnarfulltrúa. Höfuðstöðvar samtakanna eru í New York-borg, þar sem aðildarríkin koma saman á reglulegum fundum til að taka ákvarðanir um margs konar mál sem samtökin koma að. Sameinuðu þjóðirnar skiptast í 6 stofnanir: allsherjarþingið, öryggisráðið, efnahags- og félagsmálaráðið, gæsluverndarráðið, aðalskrifstofuna og alþjóðadómstólinn. Að auki eru fjölmargar undirstofnanir, t.d. UNICEF og WHO. Valdamesti og mest áberandi embættismaður Sameinuðu þjóðanna er aðalritarinn.

Sameinuðu þjóðirnar voru stofnaðar eftir lok síðari heimsstyrjaldar af sigurvegurum stríðsins í þeirri von að samtökin myndu koma í veg fyrir frekari stríð í framtíðinni vegna sameiginlegra öryggishagsmuna aðildarríkja. Núverandi uppbygging samtakanna ber vott um þær aðstæður sem uppi voru þegar þau voru stofnuð; sérstaklega sér þeirra stað í Öryggisráðinu, þar sem fimm ríki hafa fast sæti og neitunarvald. Þau eru: Alþýðulýðveldið Kína (leysti af hólmi Lýðveldið Kína), Bandaríkin, Bretland, Frakkland og Rússland (leysti af hólmi Sovétríkin).

Sameinuðu þjóðirnar

Gourt Home::Gourt :: Sameinuðu þjóðirnar